Денсаулық сақтау мекемелерінде көрсетілетін мемлекеттік қызметтер
89 Views
Қазақстан Республикасы кодексінің 13-бабы 4-тармақшасы және «Мемлекеттік көрсетілетін қызметтер туралы» Қазақстан Республикасы заңына сәйкес, денсаулық сақтау саласы бойынша мемлекеттік көрсетілетін қызметтердің соңғы өзгерісіне сәйкес, яғни 2021 жылғы 1 қаңтардағы тізіліміне орай, бүгінгі таңда аудандық орталық ауруханада 14 мемлекеттік қызмет көрсетіледі. (14 электрондық (ішінара автоматтандырылған) /қағаз; оның 1-еуі стационарда – Стационарлық науқастың медициналық картасынан үзінді көшірме беру), қалған 13-і амбулаториялық-емханалық ұйымдарда көрсетіледі.
1. Электронды (ішінара автоматтандырылған) қағаз түрінде;
– медициналық-санитариялық алғашқы көмек көрсететін медициналық ұйымға бекіту;
– дәрігердің қабылдауына жазылу;
– дәрігерді үйге шақыру;
– медициналық-санитариялық алғашқы көмек көрсететін медициналық ұйымнан анықтама беру;
– еңбекке уақытша жарамсыздық парағын беру;
– уақытша еңбекке жарамсыздық туралы анықтама беру;
– стационарлық науқастың медициналық картасынан үзінді көшірме беру;
– транспланттау мақсатында ағзалардың (ағза бөлігінің) немесе тіндердің (тін бөлігінің) қайтыс болғаннан кейінгі донорлығынан тірі кезінде бас тарту немесе келісім алуды тіркеу;
– пациенттерге стационарға емделуге жатқызуға жолдама беру;
– азаматтардың жекелеген санаттарына дәрілік заттарды, бейімделген емдік өнімдерді, медициналық бұйымдарды беру;
– денсаулық сақтау саласы кадрларының біліктілігін арттыру және қайта даярлау туралы құжаттарды беру;
– алдын ала міндетті медициналық қарап тексерулерден өткізу;
– көлік құралын басқаруға рұқсат алу туралы анықтама беру;
– санаторийлік-курорттық емдеу қажеттілігі туралы қорытынды беру;
2.Электронды (толық автоматтандырылған) 3 мемлекеттік қызмет көрсетіледі (Egov арқылы – Халыққа қызмет көрсету орталықтарында):
– наркологиялық ұйымнан анықтама беру;
– туберкулезге қарсы ұйымнан анықтама беру;
– психоневрологиялық ұйымнан анықтама беру;
«Мемлекеттік көрсетілетін қызметтер туралы» Қазақстан Республикасы заңның 3-бабына сәйкес, мемлекеттік қызметтер негізгі қағидаттар бойынша көрсетіледі:
– көрсетілетін қызметті алушылардың тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, нанымына, тұрғылықты жеріне байланысты немесе кез келген өзге де жағдаяттар бойынша қандай да кемсітушіліксіз теңдей қол жеткізуі;
– мемлекеттік қызметтер көрсету кезінде төрешілдік пен сөзбұйдалық көріністеріне жол бермеу;
– мемлекеттік қызметтер көрсету саласындағы есеп берушілік және ашықтық;
– мемлекеттік көрсетілетін қызметтердің сапасы мен қолжетімділігі және әрі процесті жетілдіру;
Құрметті аудан тұрғындары!
Мемлекеттік көрсетілетін қызметтердің алу тәртібі аурухана сайтында толық көрсетілген. Денсаулық сақтау саласындағы көрсетілетін мемлекетік қызметтер алу тәртібі бұзылған жағдайда немесе қанағаттанбаған жағдайда аудандық орталық аурухана әкімшілігіне немесе 2-26-60 сенім телефонына шағымдануға мүмкіндігіңіз бар екенін назарларыңызға саламыз!
Р.Жұманқұлова,
аудандық орталық аурухана бас дәрігерінің орынбасары.