Тіл тағдыры – ел тағдыры

Еліміз татулықтың, достықтың ажырамас ауызбіршіліктің киелі мекені. Сонау заманнан келе жатқан тіліміздің тарихы – еліміздің тарихының асқақ көрінісі. Сыртқы көрініс қашанда мінсіз болып көрінгені секілді оның ішкі жағдайының көрінісіне де ең бірінші кезекте мән берілуі тиіс және солай талап етілгені абзал.
Халқымыздың мәдениеті, салт-дәстүрі, тарихы, өркениеті барлығы дерлік ана тіліміздің кең етек жайып өсуінің арқасында дами түседі. Тіл қай кезде болсын – қастерлі, құдыретті, құрметті ұғым. Өзінің ана тілі бар ел – ең бақытты мемлекет деп айтсақ, артық етпес. Тіл – біздің мақтанышымыз. Әр ұлттың ана тілі өзінің жаны­на жақын болып табылады. Сол үшін ана тілін сүйіп, оған ерекше құрмет көрсетіп, көзінің қарашығындай қорғау – әр азаматтың міндеті.
Тіл тек қарым-қатынас құралы ғана емес, ол елдің абыройы, елдігімен еркіндігін танытатын баға жетпес қазы­­насы. Мемлекеттік тіліміз қоғамдық қатынастардың бар­лық сала­сында қолданылатындықтан, дәлірек айтқанда, жүргізілетін бар­лық іс-қағаздар, құжаттар мемлекеттік тілде болуы қажет.
Себебі ана тілімізді құрметтеу мына өзімізден бастау алады. Ұрпағымыздың ана тілімізді меңгеріп, сол тілде еркін сөй­лей отыра, ойын ашық жеткізе білуі болашағымыз үшін де керек дүние. Тіліміздің тағдырына уайымдап, тіліміз үшін барлығына дайын болу керекпіз. Осы орайда айта кете­тін жайт, біз ешқашан тіліміздің орынсыз шұбарлануына жөн бермеуіміз керек.
Ахмет Байтұрсынұлы: «Өз тілімен сөйлес­кен, өз тілімен жазған жұрттың ұлттығы еш уақытта адамы құрымай жоғалмайды. Ұлттың сақталуына да, жоға­луына да себеп болатын нәрсенің ең қуаттысы – тілі. Сөзі жоғалған жұрттың өзі де жоғалады. Өз ұлтына басқа жұртты қосамын дегендер, әуелі сол жұрттың тілін аздыруға тырысады» – деген екен. Сондықтан тіл тағдыры – ел тағ­дыры дегенді еш ұмытпайық. Ана тілімізбен мақтанып, оны құрмет­теп, қадіріне жете білейік!

Жібек Қожабекова,
аудандық «Тілдерді оқыту» бөлімшесінің оқытушысы.

Поделиться ссылкой: