Ынтымақ – ырысымызды арттырады
208 Views
Мемлекет басшысы Қасым-Жомарт Кемелұлы Тоқаевтың «Егемен Қазақстан» газетіне берген сұхбатын бас алмай оқып шықтым. Ел Президентінің Дихан Қамзабекұлының сұрақтарына тұшымды жауап бергенін зор ықыласпен қабылдадым.
Қасым-Жомарт Кемелұлының «Біз озық ойлы ұлт ретінде халқымызды ыдырататын емес, біріктіретін жолды таңдап, тек қана алға қарауымыз керек. Жалпыұлттық құндылықтар бәрінен жоғары тұруға тиіс. Бұл туралы үнемі айтып жүрмін. Тағы да қайталаймын, еңбекқорлық, білімпаздық, кәсібилік, бірлік, ынтымақ, жанашырлық, іскерлік, бастамашылдық, адалдық, қарапайымдылық және үнемшілдік – нағыз отаншыл, адал азаматқа тән қасиеттер мен құндылықтар. Халқымыздың қуатын арттырып, табысқа жетелейтін осындай қасиеттер мен құндылықтарды жан-жақты дәріптеп, ұрпақ санасына сіңіру арқылы ғана сапалы ұлтқа айнала аламыз» деген сөзі кез келген адамға ой салды деген ойдамын.
Расымен де, қазіргі таңда біздің елде тұрақтылық бірінші орында болу керек. Әлемдегі геосаяси жағдайды көріп-біліп отырмыз. Осының барлығын негізге ала отырып, біз әрқашан берекелі бейбітшілік пен саяси тұрақтылығымызды ойлауымыз керек. Сондықтан дамыған елдің санатында боламыз десек, «Алтау ала болса, ауыздағы кетеді, төртеу түгел болса, төбедегі келеді» деген қазақы ұғымды әркез жадымыздан шығармауымыз қажет.
Нұрлан Бықыбаев,
«Құлан таңы» газетінің бас редакторы.