Рухы мықты жандар
158 Views
Өткен жұмада Тараз қаласында шахматтан және тоғызқұмалақтан тірек-қимыл аппараты зақымданған, есту және көру қабілеті төмен ересектер және жастар арасында облыстық чемпионат өтті. Аталмыш чемпионатқа біздің ауданнан да спортшылар қатысты. Спортшыларымыздың жетістіктері көңіл көншітерлік. Атап айтсақ, тоғызқұмалақтан Марат Чулекеев барлық қарсыластарын қапы қалдырып, жүлделі І орын иеленсе, Ізбасар Құрманалиев мен Ахметжан Саурық жүлделі үштікке енді. Осылайша, жиынтық саны 4 алтын, 3 күміс, 2 қоланы қанжығаға байлаған жайы бар.
Дәл осы чемпионатта шахматтан ересектер арасында Ахмедиар Дамир мен Ахметжан Саурық жүлделі ІІІ орынға ие болды. Шахматтан ауданымыздың атынан сынға түскен қатысушылар жалпы командалық есеп бойынша жүлделі II орынға табан тіреді.
Осындай мүмкіндігі шектеулі жандарға көңіл бөліп, жағдай жасап отырған «Бұқаралық іс-шараларды дамыту орталығы» КММ-нің директоры Жанат Бағылбековке алғысымызды айтамыз.
Әнуарбек АсылҚадырҰЛЫ,
Құлан ауылдық округінің спорт нұсқаушысы.