Жарайсың, Айару!

317 Views

Тұрар Рысқұлов атындағы мектеп-лицейінің 1 сынып оқушысы, жас шахматшы Айару Каипова туралы біз көп жаздық. Ол өте дарынды оқушы. Дарындылығы өз алдына, талантын айтсаңызшы. Әйтпесе, кез келген адам 6 жасында Азия чемпионатына қатысып, жүлдегер болмайды. Ал біздің Айару небәрі 6 жасында сол биікті бағындырған жас вундеркинд. Жақында тағы да жағымды жаңалық естідік. Айару Каипова Аса ауылында өткен Жамбыл облысының кубогі жарысында шахматтың екі түрінен, яғни блиц және рапидтен жүлде еншіледі. 8 жасар қыздар арасында бақ сынаған Айару рапидтен жүлделі І орын, блицтен жүлделі ІІІ орын жеңіп алды. Жас шахматшы үшін бұл да бір үлкен белес. Газет беттеліп жатқанда тағы бір қуанышты жаңалықты естідік. Айару Каипова жасөспірімдер арасында 6 жеңіске жетіп, ІІ разрядты орындаған жас шахматшы атанды.

М.Жолдасбекұлы.

Поделиться ссылкой: