Әскерсіз – қолбасшы қауқарсыз, Басшысыз – әскер әлсіз
167 Views
Өткен сәрсенбіде Құрлық әскерлері бас қолбасшысының тәрбие және идеологиялық жұмыс жөніндегі орынбасары, полковник Ермиян Бятов Луговой гарнизонының әскери бөліміне келді.
Мұнда әскери бөлімнің жеке құрамымен, әкімдіктің өкілдерімен кездесті. Офицерлердің казармаларды, тамақ сапасын және бөлімшелерде мәдени демалыс іс-шараларын ұйымдастырудың қалай жүріп жатқандығын тексерді. Сондай-ақ, Луговой гарнизонында Құрлық әскерлері бас қолбасшысының орынбасары әскерге шақырылғанға дейінгі жастарға арналған оқу орындарының қабырғасында ерлік сабақтарын өткізу тәртібімен танысты.
Тексеру қорытындысы бойынша Луговой гарнизонындағы Құрлық әскерлері бөлімдерінің моральдық-психологиялық ахуалының жайына оң баға берді. Тексерістен соң, Ермиян Бятов Мэлс Өзбеков атындағы аудандық мәдениет үйінде ұйымдастырылған концерттік бағдарламаға қатысты. Аталған бағдарламада жауынгерлік және мемлекеттік-құқықтық дайындықтағы жетістіктері үшін көзге түскен офицерлерге, келісімшарт бойынша әскери қызметшілерге және сарбаздарға Құрлық әскерлері қолбасшылығының атынан грамоталар, алғыс хаттар және естелік сыйлықтар табыс етілді.
Гүлнұр Аманжол.