Өрт – тілсіз жау
132 Views
Жыл сайын көктемгі кезеңде азаматтық қорғаудың барлық күші өрттің алдын алу жұмыстарына бел шешіп кіріседі. Көктем – өртке ең қауіпті маусым болып саналады. Былтырғы құрғақ шөп қалады. Осы кезеңде өрт кез келген қадағалаудан, сөндірілмеген темекі тұқылынан, құрғақ шөпті арнайы жағу және аумақты тазалау кезінде қоқысты бақылаусыз жағудан туындауы мүмкін.
Өрттің алдын алу үшін сақтық шараларын сақтау қажет:
– учаскені және оның маңайындағы аумақты жанғыш заттардан, түскен жапырақтар мен шөптерден уақтылы тазалаңыз;
– құрылыстардың жанында қоқыстарды өртемеңіз;
– қоқысты өртеген кезде толық тоқтатқанға дейін жануды бақылау қажет.
– жеке үйлер мен бау-бақша учаскелерін, жүретін көшелерді ағаш бұтақтарымен, қоқыспен, құрылыс және басқа да жанар-жағармай материалдарымен жинауға болмайды. Себебі, бұл өрт сөндіру автокөліктерінің өтуіне кедергі келтіреді;
– электр желілерін, тұрмыстық және газ құралдарын пайдалану кезінде сақтық шараларын сақтаңыздар;
– ашық отты пайдалану кезінде абай болыңыз: шам, керосин және дәнекерлеу шамдарын қараусыз қалдырмаңыз;
– жеке тұрғын үйлерде қоқысты контейнерге жинап, арнайы жабдықталған қоқыс алаңына апару керек. Ал үйдің жанында көктемгі және жазғы кезеңде өртті сөндірудің бастапқы құралдарының болуын қамтамасыз ету қажет (көлемі 200 литрден кем емес суы бар бөшке, шелек, құм салынған жәшік, күректер);
– балалардың отпен ойнауына жол бермеңіз.
Тұтану анықталған жағдайда оқиға болған жердің нақты мекенжайын көрсетіңіз. «101» телефон нөміріне дереу хабарлаңыз.
ОТПЕН АБАЙ БОЛЫҢЫЗ! ӨРТ ҚАУІПСІЗДІГІ ЕРЕЖЕЛЕРІН САҚТАҢЫЗ!
Аудандық Төтенше жағдайлар бөлімі мен №10 өрт сөндіру бөлімі.