«Ел болып оқимыз» жобасы жалғасуда

Ш.Уәлиханов атындағы Жам­был облыстық әмбебап ғылыми кітап­хана­сының бастамасымен облыс әдебие­тіндегі ең үздік туындыларды оқу және насихаттау, қоғамның оқуға де­ген ықыласын көтеру мақсатында «Ел болып оқимыз» жобасы қолға алынған болатын. Осы жоба аясында Көгер­шін ауылдық кітапханасының ұйым­дастыруымен Сарысу ауданының Құрметті азаматы, талантты ақын Ма­ралтай Райымбекұлының шығар­ма­шы­­лығына арналған «Жазармын бұл қа­лам­мен талай өлең…» ат­ты әдеби фан­фик өткізілді.
Аталмыш іс-шараны Көгершін ауыл­дық округінің әкімі Ернар Бағылбеков ашып берсе, кітапхананың тұрақты оқырмандары Серік Өтегенов пен Болат Жан­серіков жыр жам­позы­ның шығар­машылығына тоқта­лып, әсерлі әңгімелерін айтып, қызықты ойларымен бөлісті.
Кітапхананың тұрақты оқыр­ман­дары айбоз ақынның жалынды жыр­ларын жатқа оқыса, кітапханашы «Жүйрік қалам иесі» атты көрме инс­тал­ля­циясына шолу жасап, көп­шілік қауым­ға таныстырды.
Әдеби фанфикте ақынның сөзіне жазылған «Айт дедің-ау» әні шырқалды.

Мархабат Ділдебаева,
Көгершін ауылдық кітапханасының кітапханашысы.

Поделиться ссылкой: