3 айда 154 азаматтық іс қаралған
104 Views
Тұрар Рысқұлов аудандық сотының төрағасы Айдарбек Замбаев 2024 жылдың 3 айында сот төрелігін жүзеге асыру қорытындысы бойынша аудандық «Құлан таңы» газетінің тілшісі М.Диханбайдың қатысуымен баспасөз конференциясын өткізді.
Сот төрағасы сотпен атқарылған жұмыстар туралы және қаралған істер мен материалдар бойынша статистикалық деректерін айтып өтті. 2024 жылдың 3 айында 15 қылмыстық іс 15 тұлғаға қатысты қаралған. Оның ішінде 14 тұлғаға қатысты 14 іс үкім шығарумен аяқталған.
Есепті кезеңде 166 тұлғаға қатысты 166 әкімшілік іс қаралған. Оның ішінде 133 іс бойынша әкімшілік жаза тағайындалып, 33-і қысқартылған. Тараптардың медиация тәртібімен татуласуы арқылы 15 іс қысқартылған. Сондай-ақ, 2024 жылдың 3 айында 154 азаматтық іс қаралған. Оның ішінде 77 іс бойынша шешім шығарылған. Ал, 20 іс бойынша сот бұйрығы шығарылып, 23 азаматтық іс қараусыз қалдырылды. 34 азаматтық іс қысқартылған, 31 азаматтық іс медиация тәртібімен, 1-еуі бітімгершілік тәртібімен қысқартылған.
Бұқаралық ақпарат құралдарында 12 мақала жарияланған. 2 дөңгелек үстел, 2 семинарлық сабақ, 1 баспасөз конференциясы өткізілген.
Соңында төраға А.Замбаев тілшінің сот жүйесіне қатысты барлық сұрақтарына жауап берді.
«Құлан таңы» ақпарат.