Байқау жеңімпаздары анықталды
146 Views
Жақында Абай атындағы орта мектептің базасында «Абай оқулары» республикалық білім байқауының аудандық кезеңі өтті.
Бұл байқау дәстүрге айналған. Яғни жыл сайын ұйымдастырылады. Аталмыш байқаудың аудандық кезеңі жоспарға сәйкес өткізілді.
Республикалық «Абай оқулары» білім байқауы 6 номинация бойынша өрбиді. Яғни оқушылар «Өлең – сөздің патшасы, сөз сарасы», «Абайдың қара сөздері», «Абайдың ақын шәкірттерінің шығармалары», «Көңілім әнді ұғады», «Жүйріктен жүйрік озар жарысқанда» және «Сөз өнеріндегі ұлы Абай бейнесі» деген номинациялар бойынша бақ сынады.
Байқау қорытындысы бойынша әр номинацияда жүлдегерлер мен жеңімпаздар анықталды. Байқаудың аудандық кезеңінен жеңімпаз атанған оқушылар дәл осылай өтетін облыстық білім бәйгесінде де ауданымыздың абыройын асқақтатады деп сенеміз. Жамбыл облысы әкімдігі білім басқармасының оқу әдістемелік орталығының 2024 жылғы 10 сәуірдегі №01-03/350 хатына сәйкес, 17 сәуірде білім бөлімінде сырттай 3-4 сынып оқушылары арасында «Тарихы терең, келешегі кемел құтты мекен» атты шығарма байқауының аудандық кезеңі өтті. Аталмыш байқауға 36 мектептен 71 шығарма келіп түсті. Бұл байқауға 3-4 сынып оқушылары «Тарихы терең, келешегі кемел құтты мекен», «Туған өлкем – бақыт мекенім», «Әрбір тасы тұнған тарих даламның», «Киелі атамекенім» тақырыптары бойынша өздерінің шығармаларын ұсынды. Бұл байқауда да жүлдегерлер мен жеңімпаздар анықталды.
Атап айтсақ, жүлделі ІІІ орынды Болтай батыр атындағы орта мектептің 3-сынып оқушысы Әліби Дыбысалы, Болтай батыр атындағы орта мектептің 4-сынып оқушысы Мөлдір Дүйсенбек, Р.Смайлов атындағы орта мектептің 3-сынып оқушысы Жанель Альжан, №3 орта мектебінің 4-сынып оқушысы Айназ Қайрат, Шолаққайыңды бастауыш мектебінің 4-сынып оқушысы Дамира Кеңесқұл, А.Шынасилов атындағы орта мектептің 4-сынып оқушысы Досбол Пернебай иеленсе, жүлделі ІІ орынды Бірлес орта мектебінің 3-сынып оқушысы Кәусар Әділхан, Жалпақсаз бастауыш мектебінің 3-сынып оқушысы Інжу Жұмағали, Ақтоған шағын орталықты орта мектебінің 3-сынып оқушысы Арсен Алмасұлы, Ақтоған шағын орталықты орта мектебінің 3- сынып оқушысы Аймира Елетаева жеңіп алды. Ал, жүлделі І орынға Ә.Бөкейханов атындағы орта мектептің 3-сынып оқушысы Шұғыла Ерғали, Алғабас орта мектебінің 3-сынып оқушысы Айғаным Беделбай, Алғабас орта мектебінің 4-сынып оқушысы Айзере Әбдіқұл, №3 орта мектебінің 3-сынып оқушысы Сезім Жетпісбай ие болды.
Марат Диханбай.