Басты құндылық – адам өмірі
132 Views
Жыл сайын 28 сәуірде атап өтілетін Дүниежүзілік еңбек қауіпсіздігі күні бүкіл әлемде жазатайым оқиғалар мен кәсіптік аурулардың алдын алуға үлес қосуға бағытталған. Бұл үгіт-насихат науқаны халықаралық қауымдастықтың назарын мәселенің ауқымына және қауіпсіздік мәдениетін қалыптастыру мен насихаттау болып табылады.
28 сәуірде Дүниежүзілік еңбек қауіпсіздігі күнін тойлай отырып, біз қоғам мен биліктің назарын өндірістегі жазатайым оқиғалар мен кәсіптік ауруларға, еңбек қауіпсіздігіне және өндірісте жарақат алған немесе қаза тапқан адамдардың тағдырына назар аударамыз.
Мұндай алғашқы шараны 1989 жылы АҚШ пен Канаданың кәсіподақтары мен жұмысшылары өткізді. Осылайша, олар өндірісте қаза тапқан әріптестерін еске алды. Бұл мәселе көптеген елдер үшін өзекті болып шықты. Араға он жыл салып, осындай акциялар дүниежүзінде жүзден астам елде өтті.
Бұл күні еңбекті қорғаудың өзекті мәселелеріне арналған форумдар, дөңгелек үстелдер, көрмелер, конференциялар өткізіліп, мамандардың баяндамалары, шешімін таппаған мәселелер мен өндірісті ұтымды ету бойынша ұсыныстар тыңдалады. Сондай-ақ, еңбек ұжымдары мен оқу орындарында дәрістер, практикалық сабақтар, тақырыптық бейнероликтерді қарау ұйымдастырылған. Әрине, жұмыс орнында қаза болғандарды еске алу шаралары өткізіледі. Қайтыс болған қызметкерлердің ескерткіштеріне гүл шоқтары қойылады.
Дүниежүзілік еңбек қауіпсіздігі күніне орай әрбір адам оған тыңғылықты және алдын ала дайындалуға міндетті. Осы бағытта буклеттер әзірлеуге, газеттерді, плакаттарды шығаруға, семинарлар өткізуге болады.
Өндіріс өнеркәсібінде жұмыс істейтіндер цехтар мен бөлімшелерде химиялық заттардың жұмысшыларға және қоршаған ортаға әсері бар проблемалардың маңыздылығын көрсету үшін жоспардан тыс тексерулер жүргізе алады. Дүниежүзілік еңбек қауіпсіздігі күні туралы ұсыныстарыңызбен бөлісіңіз және бұл күнді босқа өткізбеңіз.
Бахытжан Кураметов,
Жамбыл облысы бойынша мемлекеттік еңбек инспекторы.