Басты мақсат – жариялылық пен ашықтық

Тұрар Рысқұлов аудандық аумақтық сайлау комиссиясының 2024 жылдың
І жартыжылдығында атқарған жұмысы туралы газетіміздің электронды поштасына мәліметтер келіп түскен болатын. Газетіміздің хат қоржынына келіп түскен осы материалды дер кезінде көпшілік назарына ұсынуды жөн деп таптық. 2024 жылдың І жартысында аудандық аумақтық сайлау комиссиясы өзінің жұмысын бекітілген жұмыс жоспары негізінде атқаруда.
Бүгінгі күнге аудандық аумақтық сайлау комиссиясының 9 отырысы өткізілді. Комиссия отырысында сай­лау комиссияларының жұмысында туындаған мәселелер қаралды. Атап айтқанда, комиссия мүшелерін оқыту, сайлау учаскелерін жарақтандыру, мүмкіндігі шектеулі азаматтарға жағдай жасау.
Соңғы 5 жылда сайлау жүйесі едәуір қалыптасты. Қазіргі таңда аудан­­дық сайлау комиссия төрағасы, төраға орынбасары және хатшысы өзі­нің жұмысын тұрақты, кәсіби дең­гейде атқаруда. Жұмыс тек сайлау нау­қанында емес, сайлау аралығында да атқа­рылып жатыр. Комиссия мүшелері сайлаушылармен, учаскелік, округтік сайлау комиссия мүшелерімен тұрақты негізде кездесуде. Ақпан айының бірінші бейсенбісінде, яғни 1 ақпан күні «Дүниежүзілік сайлау күнін» атап өту мақсатында Луговой ауылы, Т.Рысқұлов атындағы мектеп-лицейінде, Құлан ауыл шаруа­шы­лық жоғары колледжінде, аудандық мәдениет үйінде жас сайлаушылармен кездесу өткізілді.
1. Сайлау комиссияларының сапалық құрамы; (АСК, ОСК, УСК)
Аудандық аумақтық және учаскелік сайлау комиссияларының өкілеттік мерзімінің аяқталуына байланысты Т.Рысқұлов аудандық мәслихатының 2023 жылғы 25 желтоқсандағы №15-9 шешімімен аудандық аумақтық сайлау комиссиясының құрамы 7 саяси партиялардың ұсынысымен, ал, №15-10 шешімімен учаскелік сайлау комиссияларының құрамы 7 саяси партия мен 2 қоғамдық бірлестіктердің ұсынысы негізінде қалыптастырылды. Аудан бойынша 35 сайлау учаскелері, оның ішінде: 7 сайлау учаскелері Құлан ауылында, 28 сайлау учаскелері ауылдық округтерде орналасқан. Сайлау учаскелерінің 25-сі мектептерде, 1-еуі колледжде, 8-і мәдениет үйінде, 1-еуі ауылдық округ әкімі аппаратының ғимаратында орналасқан.
Жамбыл облыстық мәслихатының 2023 жылғы 16 қаңтардағы №24-б шешімімен Жамбыл облыстық мәс­лихаты депутаттарын сайлау жөнін­дегі №17 округтік сайлау комис­сия­сының құрамы және Т.Рысқұлов аудандық мәслихатының 2023 жылғы 16 қаңтардағы № 39-2 шешімімен Т.Рысқұлов аудандық мәслихаты депу­тат­тарын сайлау жөніндегі 14 округтік сайлау комис­сияларының құрамы қалыптастырылды.
Сайлау комиссияларының құрамы – 308, оның ішінде аудандық сайлау комиссиясы – 7, учаскелік сайлау комиссиялары – 221, округтік сай­лау комиссиялары – 80 комиссия мүше­ле­рі­нен тұрады.
Сапалық құрамы төмендегідей:
Барлық комиссия мүшелерінің 148-і ер (48,05%), 160-ы әйел (51,95%).
Ұлты бойынша: қазақ – 306, татар – 1, башқұрт – 1.
2. Құқық және заң бұзушылықты болдырмау мақсатында комиссия мүшелерін оқыту.
Комиссия мүшелерін оқыту бойынша арнайы жұмыс жоспары жасалынып, бекітілді. Оқыту 2024 жылғы 26 сәуір­де сайлауға дайындық және әзірлеу жұмыстарын дұрыс ұйымдастыру мақсатында Жамбыл облыстық сайлау комиссиясының ұйымдастыруымен учаскелік сайлау комиссияларының құрамына жаңадан сайланған комиссия мүшелерінің қатысуымен 8 сағаттық семинар ұйымдастырылып, тиісті сер­ти­фикаттар табысталды. Облыстық сайлау комиссияның мүшелері бірнеше тақы­рып бойынша оқытуды жүргізді.
Бұл жөнінде Т.Рысқұлов аудан­дық «Құлан таңы» газетіне және Т.Рысқұлов ауданы әкімінің ресми сай­тындағы Т.Рысқұлов аудандық сай­лау комиссиясының парақшасына жарияланды.
Облыстық сайлау комиссияларының қатысуымен Құлан және Қарақыстақ ауылдық округтерінде сайлау науқаны кезінде 11 сайлау учаскесінің 71 мүшелерімен көшпелі семинар-кеңес өткізілді.
3. 2024 жылғы 2 маусымға тағайын­далған Т.Рысқұлов ауданы, Құлан және Қарақыстақ ауылдық округтері әкімдерінің сайлауы.
Т.Рысқұлов аудандық сайлау комис­сиясының 2024 жылғы 24 сәуірдегі №4 шешімімен Құлан және Қарақыстақ ауылдық округ әкімдерінің сайлауы 2024 жылғы 2 маусымда өтті. Жалпы 14413 сайлаушының 4065 сайлауға қатысып, 28,2% құрады.

Құлан ауылдық округі бойынша
3 азамат кандидат болып тір­келді (Б.Жапар, Е.Сейтжапаров, К.Ускенбаев).
Қарақыстақ ауылдық округі бойынша
3 азамат кандидат болып тіркелді (Б.Жамбаев, С.Далибаев, Г.Раимбаев).
Сайлауды әзірлеу мен өткізу жұмыстары Конституциялық заң талаптарына және күнтізбелік жоспар бойынша жүргізілді.
Сайлауға – 1 аумақтық, 11 учас­келік, сайлау комиссияларының жалпы саны – 78 комиссия мүшесі қатысты.
Сайлау нәтижесі бойынша әкім болып: Құлан ауылдық округіне – Е.Сейтжапаров, Қарақыстақ ауылдық округіне – С.Далибаев сайланды.

Манарбек Тлепов,
Тұрар Рысқұлов аудандық аумақтық сайлау комиссиясының төрағасы.

Поделиться ссылкой: