Ерекше балалар да бақытты болуға лайықты
177 Views
«Қарақыстақ мүгедек балаларды оңалту және бейімдеу орталығы» КММ-нің ашылғанына 2 жылдың жүзі болды. Осы аралықта Аденов Марлен Тұрғынбекұлы басқаратын аталмыш орталықтың қызметкерлері ерекше білімді қажет ететін балалардың ата-аналарымен тығыз қарым-қатынас орнатып, жүйелі жұмыс атқарып келеді. Оған көптеген мысалдар келтіруге болады. Мәселен, жақында «Қарақыстақ мүгедек балаларды оңалту және бейімдеу орталығы» КММ-нің тәрбиеленушісі Рамазан Асхат елордасы Астана қаласында өткен «Children Paralympik Games – 2024» инклюзивті спорт фестиваліне қатысып, Бочча спортынан жүлделі I орынды жеңіп алды. Бұл біздің орталық қызметкерлерінің ерекше білімді қажет ететін балаларға дұрыс тәрбие беріп, олармен жақсы жұмыс жүргізгендігінің айғағы десек те артық айтқандығымыз емес.
Мен өзім Тараз қаласында да ерекше білімді қажет ететін балалар тәрбиеленетін мекемеде жұмыс атқарғанмын. Ерекше білімді қажет ететін балалардың бойында өзгеше дарындылық болады. Тек соны тап басып, олармен дұрыс қарым-қатынаста жұмыс істесең болғаны. Өйткені ерекше білімді қажет ететін балаларда бақытты болуға лайықты.
«Қарақыстақ мүгедек балаларды оңалту және бейімдеу орталығы» КММ-нің тәрбиеленушісі Рамазан Асхат суретті де жақсы салады. Өзі алғыр тәрбиеленуші. Осы алғырлығының арқасында ол Астана қаласында өткен «Children Paralympik Games – 2024» инклюзивті спорт фестивалінде өзін жақсы қырынан көрсетіп, Бочча спортынан жүлделі I орын иеленіп отыр. Біз өз тәрбиеленушімізді айтулы жетістігімен құттықтаймыз. Рамазанның бағындырар белестері көп болсын.
Мадина Әбдіғұлова,
«Қарақыстақ мүгедек балаларды оңалту және бейімдеу орталығы» КММ-нің тәрбиешісі.