Жаңа жылдық мерекелер қарсаңында балалардың көпшілігі, сондай-ақ, ересектер пиротехниканы дұрыс пайдаланбаудан жарақат алады. Осыған байланысты аудан аумағында 2024 жылдың 5 желтоқсаны мен 2025 жылдың 3 қаңтары аралығында «Пиротехника» жедел профилактикалық іс-шарасы өткізіледі.
Жедел алдын алу іс-шараларының мақсаты – пиротехникалық бұйымдарды сақтау, пайдалану, тасымалдау және әкелу ережелері, сондай-ақ, сертификатталмаған пиротехникалық өнімдерді айналымнан алу туралы профилактикалық жұмыс жүргізу болып табылады.
Пиротехниканы пайдаланудың негізгі ережелері туралы:
– пиротехниканы күмәнді сатушылардан сатып алмаңыз (көше сөрелерінен, өткелдерден);
– балаларға пиротехниканы өз бетінше іске қосуға рұқсат етпеңіз;
– қаптамадағы нұсқаулықты мұқият оқып шығыңыз;
– пиротехниканың жарылуы кезінде қашықтықта болыңыз;
– ешқандай жағдайда жабық үй-жайда пиротехниканы пайдаланбаңыз;
– көрермендер нақты пиротехникалық бұйымды қолдану жөніндегі нұсқаулықта көрсетілген қауіпті аймақтан тыс, бірақ кемінде 20 м қашықтықта болуы тиіс;
– білтені созылған қол қашықтығында тұтату керек;
– жұмыс істеп тұрған пиротехникалық бұйымды қолда ұстауға қатаң тыйым салынады.
Тіпті таныс және қарапайым пиротехникалық өнімнің өзіндік ерекшеліктері болуы мүмкін екенін есте сақтау керек.
Аудандық полиция бөлімі.
