Мен оқыған бір кітап

Кітап – рухани қазына, баға жетпес құндылық. Олай болса, құндылыққа жақын болу, оған сүйіспеншілік таныту, кітапты тұрақты серік ету – адами қасиеттің бір қырына айналғаны абзал.

Осы орайда, өткен сәрсенбіде Әлихан Бөкейханов атындағы орта мектебінде Мем­лекет бас­шысы Қасым-Жомарт Тоқаевтың тапсырма­сы негі­зінде бастау алған «Оқуға құштар мек­теп» жобасы аясында «Мен оқыған бір кітап» атты мектепішілік байқауы өтті.
Шараға аудандық аналар кеңесінің мүшелері Есенкүл Мұхтарқызы мен Клара Рәпілбекқызы, аудандық орталықтандырылған кітапханалар жүйесінің директоры Мереке Айна­құлов, аудандық білім бөлімінің әдіскері Гүлмира Абдиева және Ш.Уәлиханов атындағы орта мектебінің кітапхана меңгерушісі Гүлзат Төребекқызы арнайы қонақ ретінде қатысып, қазылық етті.
Ұстаздар арасында кітап оқу мәде­­ниетін көтеру мақсатында ұйым­дастырылған байқауда қа­тысу­шылар қазіргі заманауи техно­логияларды қолдана отырып, өздері таңдаған кітаптың қызықты, мағыналы түйінін барынша ашуға тырысты.
Жарыс нәтижесін қорытындылай келе әділқазылардың шешімі бойынша бас жүлдеге Р.Дж.Палацционың «Wonder» кітабының қысқаша мазмұнын көрер­­менге барынша тиянақты түрде жеткізе білген ағылшын тілі пәнінің мұғалімі Әсия Қасым лайықты деп танылды.

Ақжарқын Мұратбекқызы.

Поделиться ссылкой: