Қариясын сыйлаған ел азбайды

767 Views

 Қариясын сыйлаған ел азбайды

Қазақ қашанда үлкеніне құрметін аямай, қамқорлық пен ізеттілігін көрсеткен халық. Бір сөзбен айтқанда, «Қариясын қадірлеп, ардагерлерін ардақтаған ұрпақ!». Бұл халқымызға тән тағылымы мол қасиеттердің бірі.

Өткен аптада жаңа жыл мерекесіне байланысты «Алтын са­рай» той кешенінде үлкен мерекелік кеш өтті. Дәл осы керемет кеште жоғарыда атап өткен үлкендерді үлгі тұта алатынымыз­ды тағы да бір дәлелдей алдық. Жылдағы дәстүрге сай өткізіліп жүрген жиынға ауданның ҰОС ардагерлері, «Құрметті азаматта­ры», бұрындары аудан тізгінін ұстаған басшылар мен елдімекеннің дамуына үлес қосып, әр салада қажырлы еңбек еткен жандар көптеп жиналды. Берекелі бас қосудың басты мақсаты – аудандағы ардагерлерге құрмет көрсетіп, мереке қарсаңында бірнеше азамат­тарды марапаттау болатын.

Шарапаты мол шарада алғашқы сөз кезегі аудан әкімінің орынбасары Бейсенбек Әлпейісов пен аудандық мәслихат хатшы­сы Тұрсынхан Жаманбаевқа берілді.

«2018 жыл біздің аудан үшін қолайлы жыл болды десек артық айтқандығымыз емес. Себебі, аудан 80 жылдық  мерейтойын атап өтті. Көптеген нысандар бой көтеріп, ел игілігіне берілді. Келер жылы жоспарымызға сәйкес көптеген ауқымды жұмыстарды басты назарға алып отыр­мыз. Бұл іргелі істер сіздер мен біздердің ұйымшылдығымыз бен ауызбіршілігіміздің арқасында атқарылып жатқан жұмыстар деп білемін. Сондықтан, Сіздерге де шын ниет­пен алғыс айтқымыз келеді» — деп аудан әкімінің орынбаса­ры жиылған жұртты мерекемен құттықтады.

Кешке келген көпшілікке ізгі тілектерін арнаған мәслихат хат­шысы Тұрсынхан Жаманбаевтың құттықтау сөзінен кейін, ҰОС ардагері Асаубай Сүлейменовқа «Облысқа сіңірген еңбегі үшін» белгісі табыс етілді.

Мерекелік кеш барысында өзге де ауданның құрметті аза­маттары сөз сөйлеп, аудан көлемінде атқарылған істерге оң баға берілді. Жиын соңы аудандық Мэлс Өзбеков атындағы мәдениет үйінің өнерпаздары даярлаған концерттік бағдарламаға ұласты.

Жәнібек БАЗЫЛБЕКОВ.

Поделиться ссылкой: