Шөп жинау кезіндегі өрт қауіпсіздік шаралары

100 Views

Қазіргі уақытта шөп жинау мен мал азығын әзірлеу бойынша ауылшаруашылық жұмыстарының нағыз қызған кезі. Жұмыстарды жүргізу уақытына келетін ыстық, құрғақ ауа райы, жанар-жағармай материалдарының, ауыл шаруашылық техника санының көптілігі өртке қауіпті жағдайды туды­рады. Шөпті шабуда және оны сақтау орындарында өрттің болуының басты себебі – ауылшаруашылық техникаларының өртке қарсы жағдайы бойынша талаптарды бұзуы немесе дала жағдайларында отты абайсыз қолдануы болып табылады. Шөпті жинау науқанында өрттерге жол бермеу үшін өрт қауіпсіздігінің ережелерін қатаң сақтау қажет. Шаруашылық басшысында болатын арнайы жур­налға қол қоя отырып, шөп жинау науқанының басталуына дейін оған қатысатын барлық адамдар өртке қарсы нұсқаудан өтеді. Жинайтын агрегаттар алғашқы өрт сөндіру құрал­дарымен (комбайндар – 2 өрт сөндіргішпен, 2 тiк күрекпен және 2 сыпырғышпен; тракторлар – 1 өрт сөндiргiшпен, 1 күрекпен, 1 сыпыр­ғышпен) жабдықталуы керек. Шөп жинау науқанына қатысатын барлық ауылшаруашылық техникасы дұрыс ұшқын сөндіргіштермен, ретке келтірілген тұтандыру (от алдырғыш), қоректендіру, майлау жүйелерімен жабдықталуы қажет. Белгіленген тәртіпте тіркеуден өтпеген, қолдан жасалған әр түрлі техниканы пішен шабу үшін қолдануға тыйым салынады.
– дала жағдайларында пісіру жұмыстарын жүргізуге немесе ашық отты қолдануға жол берілмейді;
– маяларды орналастыратын алаң­дары алқаптың периметрі бойынша ені 4 м. кем емес жолдарымен жыртылуы және найзағай қорғанышымен жабдық­талуы керек;
– шөп сарайларында өрт болған жағдайда оны сөндіру үшін сумен қамтамасыз етілгені жөн;
– шөп маялары жыртылу шегінен 4 метрден кем емес, ғимараттардан немесе құрылыстардан 50 метрден кем емес, автомобиль жолдары мен электр беретін құрылғыларға дейін 20 метр қашықтықта орналасуы қажет;
– маялар арасындағы ара қашықтық 20 метрден кем болмауы тиіс, бір мая тұратын алқаптың аумағы 150 шаршы метр. Шөп шабу науқаны уақытында өрт қауіпсіздігін қамтамасыз ету жа­уап­кершілігі тікелей шөп шабумен айна­лы­сатын жеке тұлғаларға және шаруашылықты жүргізетін субъек­тілердің басшыларына жүктеледі.

Өрт кезінде 101,112 телефонына хабарласыңыздар.
Аудандық Төтенше жағдайлар бөлімі.

Поделиться ссылкой: