Алаштың төрі – Елорда!

Біз неткен бақытты ұрпақ­пыз! Тас­­қа жазылған талай­дан бер­гі тарихы мойындал­ған, тәуел­сіздігі берік, шекарасы ше­ген­делген, әлемдегі әсем қа­лалар санатындағы зәулім ғи­­мараттарға толы Астана се­кіл­ді Елордасы бар іргелі мем­лекеттің болашақ буынымыз. Әлемде қаншама мыңдаған халық өз іргесін қалай ал­май, әбігерге түсіп жатыр. Со­лардың мүшкіл халін көре оты­рып, Құдайға мың да бір тәу­бе деуіміз керек. Санада сіл­кінген ойдың тереңіне бой­­лап, әлемдік ауқым шеңбе­рімен қарайтын болсақ, біз, қазақ жұрты, бақуатты да ба­қыт­ты халықпыз деп айтуға әб­ден құқылымыз.
Рас, тәуелсіздіктің алғаш­қы он жылдығында қазақ хал­қы біраз күйзелістерді бас­тан өткерді. Десе де, сол қиын­дықтардың жемісін туыр­лы­ғы желкілдеген бүгінгі ұр­пақ сезінуде. Сол сезімнің бір ұшқыны – Астана. Астана бүгінде күллі қазақ­тың шамшырағына айнал­ды. Сарыарқаның сайын да­ла­сын­дағы Елордамыз менмұн­далап айдай әлемге айбарын көрсетіп тұр. Талай мәртебелі жиындар бұрынғыдай Брюссельді бетке алмай, ат басын Астанаға бұ­ратын болды. Бүтін бір елдің тізгінін ұстаған парасатты бас­шылар мен саясаттағы саң­лақ спикерлердің кез-кел­генінің Астанаға тәнті бол­маған кезі жоқ. Атағы алысқа кеткен Вашингтоныңыз бол­сын, Парижіңіз болсын, Лон­доныңыз болсын, Ригаңыз бол­сын, Астанамен санасатын деңгейге жетті. Бұл мұқым қа­зақ үшін үлкен абырой және зор мақтаныш.
Астана – болашақтың қа­ла­сы. Біз бұл сөзді тектен-текке айтып отырғанымыз жоқ. Се­бебі қазақтың Елордасын Ал­матыдан Астанаға көшірер кез­­де бұл қада­мға күдікпен қарағандардың қатары көп еді. Заманында кү­мәнмен қарағандардың жой­дасыз ойы сап тиылды бүгін­де. Арқа төсіндегі Астанамыз аз уақыттың ішінде Азияның зәулім шаһарларының біре­гейіне айналып қана қоймай, әсемдігі көз баурайтын әлем­дегі санаулы қалалармен тай­таласатын деңгейге жетті. Бұл жетістіктің бәріне біз қа­лай қол жеткіздік? Әрине, біріншіден берекелі бірлігіміздің арқасы. Екіншіден ел басқарған Тұңғыш Президентіміздің, одан кейін Мемлекет басшысы Қасым-Жомарт Кемелұлы Тоқаевтың әлемдік саясаттағы зор беделінің арқасы. Ендеше, өзгелер қызыға да, қызғана да қарайтын Астанамыздың жарқын жетістіктері көп болсын. Өрлей бер, асқақтай бер, Астана!

Марат Диханбай.

Поделиться ссылкой: