«Komek.Demeu.kz» қоғамдық қоры «Мемлекеттік тапсырыс шеңберінде пробация қызметінің есебіндегі азаматтарға әлеуметтік-құқықтық көмек көрсету және түсіндірме жұмыстарын жүргізу» тақырыбындағы мемлекеттік әлеуметтік жобаны жүзеге асыруда. Жобаның негізгі мақсаты – пробация қызметінде есепте тұрған азаматтардың құқықтық сауаттылығын арттыру, әлеуметтік бейімделуіне ықпал ету, сондай-ақ оларды қоғамға тиімді түрде қайта бейімдеу. Жоба аясында пробация қызметінің есебіндегі азаматтар мен азаматшалар арасында спорттық іс-шара ұйымдастырылды. Бұл іс-шара тек қана салауатты өмір салтын насихаттауға ғана емес, сонымен қатар, қатысушылар арасында өзара байланыс пен сенімділік орнатуға, оларды қоғамдық өмірге тартуға бағытталды. Іс-шара барысында футболға белсене қатысты. Командалық белсенділігі мен ынтасы жоғары деңгейде болды. Шара соңында жеңімпаз командалар мен белсенді қатысушылар алғыс хаттармен және естелік сыйлықтармен марапатталды.
«Komek.Demeu.kz» қоғамдық
қорының Президенті Н.Юлдашева