Жаңа жылдың жарқын көңіл-күйі ерекше балаларға сыйланды

Жаңа жыл мерекесі қарсаңында   аудандық  «Психо­логиялық-пе­да­гоги­ка­лық түзету кабинеті» педа­гогтарының ұйымдастыруымен «Жаңа жыл – 2026» мерекелік кеші жоғары деңгейде өтті.

Мерекелік шара №6 мек­теп-лицейінің акт залында ұйым­дастырылып, оған кабинет қыз­меткерлері, ерекше білімді қажет ететін балалар, ата-аналар мен демеушілер қатысты. 

Шараның басты мақсаты – балаларға мерекелік көңіл-күй сыйлау, әлеуметтік-психо­логиялық қолдау көрсету және олардың шығармашылық қабі­лет­терін дамыту. 

Кеш барысында балалар Аяз ата мен Ақшақармен кездесіп, түрлі қы­зық­ты ойындарға қатысты, ән мен би орындады.

Мереке соңында демеушілердің қол­дауымен 197 балаға ойыншықтар мен тәтті сыйлықтар таратылып, бал­ғындарға ұмытылмас қуаныш сый­ланды. Ата-аналар тарапынан алғыс сөз­дер айтылып, ұжымның еңбегіне ризашылық білдірілді.

Айта кетейік, барлық сыйлықтар демеушілер есебінен алынды. Жүрек­тері кең, ниеттері таза  жандарға ерекше  алғыс білдіреміз.

 «Құлан медиа» ақпарат.

Поделиться ссылкой: