KÁSIBI BARDYŃ – NÁSIBI BAR

414 Views

«World Skills» ıaǵnı «Óz mamanynyń sheberi» baıqaýy

 KÁSIBI BARDYŃ – NÁSIBI BAR

«World Skills» halyqaralyq qoǵamy 1947 jyly Ispanıada qurylǵan eken. Ol orta jáne shaǵyn kásipkerlikti qoldaý maqsatymen qurylyp, sodan beri dúnıejúzinde úlken bedelge ıe bolyp keledi. Qoǵam óz mamandyǵynyń sheberlerin daıarlaý maqsatymen lıseıler men kolejder stýdentteriniń arasynda chempıonattar men baıqaýlar ótkizip, jas mamandardyń sheberligin shyńdap, olardyń bolashaǵyna úlken senim artyp otyr. Osyndaı baıqaý 1958 jyly Brússelde, odan soń Tokıoda bolyp ótti. Qazaqstan osy qoǵamǵa 70-shi el bolyp kirdi. Bizdiń jambyldyqtar qoǵamnyń 4 kúmis, 2 qola medalin jeńip aldy. Bizdiń Qulan agrotehnıkalyq kolejinen eki stýdent osyndaı chempıonatqa qatysyp, júldemen oraldy.

Jaqynda kolejde baıqaýdyń ashylý saltanaty bolyp ótti. Ony oblystyq kásipkerler Palatasynyń aýdandyq fılıalynyń basshysy Nurlan Saparbekov ashty. Ol jarysqa qatysýǵa kelgen veterınarıa, agronomıa, aspazshylar, dánekerleýshiler, elektrıkter men tiginshi-modelelerlerge tabys tiledi. Óz kezeginde kolej dırektorynyń ýaqytsha mindetin atqarýshy Erjan Álibaev ta stýdentterge chempıonat barysynda óz ónerlerin ortaǵa salatynyna senim bildirdi. Baıqaý eki kúnge sozylatyn bolady.

S.QOJEKE.

Поделиться ссылкой: