Әбжапарға таза ауыз суы келеді

Аудан аумағында биыл ха­лықтың тұрмыс сапасын арт­тыруға бағытталған ауқымды шара­лар қолға алынды. Ауданның шалғай ауыл­дарында ауыз су мәселесі өзекті екені бұрыннан белгілі. Көпшіліктің кө­кейінде жүрген, ауыз су проблемасы жыл­дар бойы шешімін таппаған ауыл­дардың бірі-Өрнек ауылдық округіне қарасты Әбжапар ауылы болатын.
Биыл өзге 8 ауылмен бірге Әб­жапар ауылының халқы таза ауыз сумен қамтылады. Бұл мақсатқа қара­жат бөлініп, су құбыры құры­лысы жұмысы басталып та кетті. Құрылыс жұмыстарымен айналысатын мердігер компания болып » ТаразИрригация»ЖШС-і танылса, авторлық қадағалаушы — » Лидер Проект Дизайн»ЖШС-і.
Қазіргі таңда ауыз су құры­лы­сының алғашқы қадасы қағылып, елді мекенде қызу жұмыс бас­­талды. Ауыл жұртшылығы бұл жағымды жаңалықты ерекше қуаныш­пен қабыл алды.
Ауыз суы үлкен даулы мәселеге айналған ауылдың өзекті проблемасы өз шешімін табатын, әр аулаға таза ауыз суы кіріп, тұрғындар пайдаланытын күн де алыс емес. Тек нәтижелі, сапалы жұмыс күтелік.
Күні кеше ғана аудан әкімі Е.Са­дыр­құлов сала басшыларымен бірге Әб­жапар ауылында болып, мердігер ком­пания басшыларымен арнайы кез­десті. Таза ауыз су құрылысын жүр­гізуге бөлінген қаражаттың тиімді жара­тылуы мен жұмыс сапасын тиім­ді ұйымдастыру, жобаның сапалы атқарылуы бойынша нақты тапсырмалар жүктеп,халық игілігі үшін атқарылатын жұмысқа бақылау көп болатындығын ескертті. Ауыз су құрылысын жүргізуге қатысты сала басшыларымен бірқатар шешімін табуы тиіс мәселелерді тал­қылады.
Айта кету керек, биыл ауданда 8 елді мекен тұрғындары үшін таза ауыз су құрылысы жүргізіліп,ауқымды жұмыс жүзеге асырылады.Тұрғындар тарапынан кездесулер мен жиындарда үнемі өзекті проблемалар қатарынан көрінген Жарлысу, Құмарық, Алғабас, Бәйтелі, Құлан ауылдарында ауыз су құрылысы мен имараттарды жаңарту жұмыстары басталып та кетті.
Бұл жұмыстарға аудан әкімдігі тара­пынан бақылау күшейтіледі. Сонымен қатар, аудан әкімі Е.Садырқұлов қо­ғам­дық бақылаудың рөлін арттырып, «Т.Рысқұлов – адалдық алаңы» жо­балық офисі мүшелері мен қоғамдық бақылаушыларды бұл істе белсенділік танытуға ұсыныс білдірді.

«Құлан таңы» ақпарат.

Поделиться ссылкой: