“АЯНА” 5-ке келді

Қазақстан Үкіметінің респуб­ликадағы балабақша жетіспеушілігін жекеменшік балабақшалар арқылы қамту туралы бағдарламасын жүзеге асыру мақсатында 2015 жылы Құлан ауылынан «Қазақстан Республикасының құрмет құрылысшысы» төс белгісінің иегері, Тұрар Рысқұлов ауданының Құрметті азаматы, жеке кәсіпкер (марқұм) Қонысбай Оразханұлы 100 орындық «Аяна» балабақшасын ашып, пайдалануға берген еді.
Биыл балабақшамыздың ашыл­ғанына 5 жыл толды. Осы жылдар ішінде біз көптеген аудандық, облыс­тық, республикалық байқауларға қатысып, жүлделі орындарға ие болдық. Атап айтсақ, «Ең үздік балабақша», «Ал­ғысым шексіз» фистивалінде бас жүлде, «Жыл тәрбиешісі», «Ғұмырдария» рес­публикалық байқауларында және де тәрбиешілер мен тәрбиленушілердің қатысуымен өтетін облыстық байқау­лардың жеңімпазы атандық.
Сонымен, «Аяна» беске келді. Бү­гінгі балаларды қорғау күніне орай бө­бекжайымыздың, жалпы барлық ата-аналарды, бүлдіршіндерді мере­келерімен құттықтаймын.

Мәншүк Жұмаханова,
«Аяна и Б» бөбекжай-бақшасының тәрбиешісі.

Поделиться ссылкой: