389 азамат жұмыспен қамтылды

Аудан әкімдігінің халықты жұмыспен қамту орталығы «Жұмыспен қамтудың жол картасы — 2020» бағдарламасы аясында қосымша жұмыс орындарын құруға, әлеуметтік инженерлік-көліктік инфрақұрылымды және тұрғын үй-коммуналдық шаруашылықты дамыту, елді мекендерді абаттандыру бойынша инфрақұрылымдық жобаларды іске асыру есебінен жұмыссыз азаматтар саны­ның өсуіне жол бермеуге бағыт­талған кешенді шаралар қабылданды.
«Жұмыспен қамту жол картасы» аясында биылғы жылы ауданымызда жалпы 76 жоба бойынша ашылатын жұмыс орны — 1082. Оның ішінде ха­лықты жұмыспен қамту орталығы ар­қылы 551 жергілікті азамат жұмысқа жол­­данады. Бүгінгі таңда аудан орталығындағы Ш.Уәлиханов, №1 мектеп-лицейі мен Ә.Бөкейханов атын­дағы орта мектептеріне күрделі жөндеу жұмыстары жүргізілуде. Сонымен қатар, «Аймақтарды дамыту» бағдарламасы бойынша Жарлысу, Бәйтелі ауылдарына ауыз су тарту жұмыстары қолға алынды. Қазіргі таңда 389 азамат осы нысандарға жолданды. Оның 191-і 29 жасқа дейінгі жастар.

Халықты жұмыспен қамту орталығы.

Поделиться ссылкой: