Мерекелік құттықтаулар

660 Views

Құрметті қариялар, ардақты Ұлы Отан соғысы, еңбек және тыл ардагерлері!
Қымбатты зейнеткерлер!
Сіздерді 1 қазан – Халық­аралық қарттар күні мере­кесімен шын жүректен құт­тықтаймыз! Уақыт пен ұр­пақты жал­ғас­тырған, күздің сал­қын күн­дерінде жылуын шашқан бұл мереке үлкендерді құр­меттеп, қамқорлық көр­сететін хал­қы­мыздың ежелгі дәстүрін наси­хаттайды.
«Қарты бар үйдің – қазы­насы бар». Бізге және өсіп келе жатқан өскелең ұрпаққа сіз­дердің өмір жолдарыңыз өнеге, еңбек жолдарыңыз үлгі. Сіздер — ақылман, данагөй тұлға, саялы бәйтерексіздер! Адам ұрпағымен мәңгі жасайды. Бүгінгі күн – кешегінің жемісі, ертеңгінің өркені.
Үлкенді сыйлау, оларға құр­мет көрсету – ата-бабадан келе жатқан салтымыз. Сіздердің өмір­лік тәжірибелеріңіз бен ақыл-кеңестеріңіз, тәлім- тағы­лымдарыңыз — біз үшін әр­қашан да құнды. Се­бебі, әрқай­сыларыңыздың ау­данымыздың өсіп-өркен­деуіне қосқан үлес­теріңіз бен еңбектеріңіз ерен. Та­лай жасты тәрбиелеп, ізба­сар­лары­ңызды өсірдіңіздер. Бүгін еңбек­теріңіздің зейнетін көріп отырған шақта да, Сіздер ұрпақтарыңызға игілік пен ізгіліктің, пайым-парасаттың үлгісін танытудан жалыққан емессіздер.
Ауданда қазіргі таңда ал­ты жарым мыңға жуық зейнет­кер қария бар. Мемлекет тара­пы­нан барлық зейнеткерлер мен ардагерлер қамқорлыққа алын­ған. Қарттарымыздың денсау­лықтарын сауықтырып, ұзақ ғұмыр жасауына барлық жағдай жасалған.
Сіздерге баянды бақыт, мәнді өмір, зор денсаулық пен амандық тілейміз. Жақындарыңыздың өз­деріңізге деген сарқылмас сүйіc­пеншілігі мен мақтаныш сезімі арта берсін!

Сондай-ақ, қазан айының алғашқы жексенбісі –ұлағатты ұстаздар мерекесі.
Құрметті ұстаздар, білім саласының ардагерлері!
Сіздерді кәсіби мерекелеріңіз – Ұстаздар күнімен шын жүректен құттықтаймыз! Білім саласы – ел болашағының, қазақстандық жас ұрпақтың отаншылдығы мен руханиятының негізі. Оның басты тірегі – ұстаздардың риясыз еңбегі мен шығармашылық ізденісі.
Кез келген азамат үшін ұстаздың орны бөлек. «Адамның адамшылығы жақсы ұстаздан болады» – деп ұлы Абай айтқандай, қай заманда болмасын ұстаз — ерекше құрметке лайық жан.
Ауданымыздың бiлiм беру жүйесiн дамытуға және өскелең ұрпақты тәрбиелеуге өлшеусiз үлес қосқан педагогикалық еңбек ардагерлерiне ерекше алғысымызды бiлдiргiміз келедi. Көп жылғы тәжiрибелерiңiз, даналықтарыңыз бен төзiмдiлiктерiңiз алдағы уақытта да күрделi кәсiби мiндеттердi шешуде әріптестеріңізге жәрдем беретiнiне сенiмдiмiз.
ХХІ ғасыр-бұл ақпараттық, технологиялық мәдениеттің дәуірі. Егеменді еліміздің болашағы білімді ұрпақтың қолында десек, өркениет көшіне ілесу — баланың бойына ұлттық құндылықтың нәрін сеуіп, татулығы мен бірлігі мызғымайтын еліміздің айтулы азаматын қалыптастырып өсіру — ұстаздардың мәртебелі міндеті.
Сондықтан да ұстаздар қауымы елге елеулі, халыққа қалаулы.
Қымбатты білім саласының қызметкерлері!
Баршаңызға мерейлі мереке күні мықты денсаулық, қажымас қайрат, отбасыларыңыздың амандығын тілей отырып, еліміздің, ауданымыздың атын әлемге танытатын білімді де, талантты шәкірттеріңіз көбейе берсін демекпіз. Мерекелеріңіз құтты болсын!
Аудан әкімі                                                                                       Аудандық мәслихат хатшысы
Е.Садырқұлов.                                                                                                 Т.Жаманбаев.

Поделиться ссылкой: