Спорттың бес түрінен сынға түсті

481 Views

Дені саудың – жаны сау. Салау­ат­ты өмір салтын сақтау, спортпен шұғылдану кез келген адам үшін маңызды. Т.Рысқұлов ауданында осындай ұстанымды алға тартқан аға буын өкілдері мен ересектер ара­сында сәт-сайын болмаса да, ара-тұра түрлі жарыстар өткізіліп тұрады. Жуырда дәл сондай додалардың бірі Құлан ауылында орналасқан спорт кешенінде өтті. Бұл жарыс Қазақстан Республикасы Тәуелсіздігінің 30 жыл­дығы аясында және Елбасының «Болашаққа бағдар: рухани жаң­ғыру» бағдарламасын жүзеге асыру мақсатында, сондай-ақ, «Қарттар кү­ніне» орай ұйымдастырылды. Оған 63 жастан асқан ерлер мен 59 жастан жоғары апаларымыз қатысып, бақ сынасты.
Аудан әкімдігінің дене шы­нық­тыру және спорт бөлімі­нің ұйымдастыруымен өткен спартакиаданың ашылу салтанатында аудан әкімінің орынбасары Әлібек Терлікбаев алғашқы болып сөз сөйлеп, жарысқа қатысушыларға сәттілік тіледі.
Садақ және асық ату, дарц, қол күрес, гір тасын көтеру сияқты бес спорт түрінен сынға түскен арда­герлер жүлделі І,ІІ,ІІІ орындарды өзара бөлісті. Жалпы командалық есепте жеңіске жеткен командалар да аудан әкімдігінің дене шынықтыру және спорт бөлімінің кубоктарымен, медальдарымен, дипломдарымен және арнайы сыйлықтарымен марапатталды.
Жалпы ауданда жыл басынан бері дәл осындай форматта бірне­ше мәдени-спорттық жарыстар өткізілген. Ұйымдастырушылар мұндай бәйгелердің бұдан әрі жалғасын тауып, тоқтап қалмай­тындығын, осы жолда өнімді еңбек ететіндіктерін атап өтті.

Жәнібек Базылбек 

Поделиться ссылкой: