Оқушылар «Едіге батыр» жырын жатқа айтып, сайысқа түсті

1 111 Views

Жақында «Qazaq epos» ағарту жобасының «Тұлпар мініп, ту алған!» аудандық байқауында 6-10 сынып оқушылары «Едіге батыр» жырын жатқа оқып, сынға түсті. Сондай-ақ, байқауға қатысушылар Ұлы Ұлыс (Алтын Орда) мемлекетінің негізгі тарихи оқиғаларына қатысты және жыр ішіндегі жекелеген оқиғалар мен жер-су атауларына қатысты сұрақтарға жауап берді. Аталмыш байқауға 27 мектептен 29 оқушы қатысып, қорытындысы бойынша №2 шағын орталықты орта мектептің 6 сынып оқушысы Досхан Айтқұлов жүлделі бірінші орынды, осы мектептің 6-сыныбында оқитын Ағжан Қалдыбай мен Тұрар Рысқұлов атындағы мектеп-лицейінің 8 сынып оқушысы Толғанай Қылышбек жүлделі екінші орынды иеленді. Ал Тұрар Рысқұлов атындағы мектеп-лицейінің 9 сынып оқушысы Ақниет Сұрамай, Ахмет Байтұрсынов атындағы орта мектептің 8 сынып оқушысы Мөлдір Бейсенбек, Құлан мектеп-гимназиясының 9 сынып оқушысы Айдана Өмен жүлделі үшінші орынға ие болды. №1 мектеп-лицейінің 9 сынып оқушысы Марғұлан Шымырбай мен Ақыртөбе орта мектебінің 6 сынып оқушысы Аруна Берік алғыс хатқа ие болды. Аталмыш байқаудың облыстық кезеңінде № 2 шағын орталықты орта мектептің қазақ тілі мен әдебиеті пәнінің мұғалімі Назгүл Ахметбекованың қос шәкірті Досхан Айтқұлов пен Ағжан Қалдыбай және Тұрар Рысқұлов атындағы мектеп-лицейінің қазақ тілі мен әдебиеті пәнінің мұғалімі Ардақ Әбішованың шәкірті Толғанай Қылышбек бақ сынайтын болады. Оқушыларымызға сәттілік жолдас болсын дейміз.

М.Аятберген.

Поделиться ссылкой: