Қорағатыға газ, Құмарыққа ауыз су келді

340 Views

Ауыл тұрғындарына жайлы жағдай жасау – мемлекет басшыларының басты міндеті. Осы бір қағиданы қаперіне сақтап алған аудан басшылары бүгінде бірқатар игі бастамаларды қолға алып, өз мәресіне жеткізуде. Соның бірі әрі бірегейі – шалғайда жатқан Қорағаты ауылына көгілдір отын жеткізу еді. Иә, дұрыс оқып отырсыз. Аудан орталығынан 40 шақырым алыс жатқан Қорағаты елді мекенінде енді көгілдір отын бар. Білесіз бе?! Бұл сәтті ауыл тұрғындары 67 жыл сарыла күткен болатын. Енді міне, көпшілік сол қуанышқа ел Тәуелсіздігінің 30 жылдығы қарсаңында қол жеткізіп отыр. Өткен аптада ауыл тұрғын­дарының көптен күткен қуа­нышты сәтіне аудан әкімі Ерболат Садырқұлов куә бо­лып қайтқан болатын. Салта­нат­ты іс-шарада сөз сөйлеген аудан басшысы өңір­де атқарылып жатқан жұмыстар мұнымен тоқта­п қалмайтынын, алда әлі де бірге іске асыратын ілкім­ді істер көп екенін тілге тиек етіп, ауыл тұрғын­дарын ел Егемендігінің 30 жылдығымен құттық­тады.
Салтанатты жиын соңында ауыл ақсақал­дары мен тұрғындары осы қуанышқа қатысы бар тұлғаларға өз аттарынан алғыстарын жеткізді.
Аудан әкіміне өз алғысын тек қораға­ты­лық­тар ғана емес, құмарықтықтар да жаудырды. Себебі, тау бөктерінде орналасқан ауылға ел Тәуелсіздігінің 30 жылдығына орай таза ауыз су берілді. Өткен жылы басталған елді ме­кендегі ішкі су жүйелерінің құрылысы бү­гінде толығымен аяқталған. Нәтижесінде Құ­марық, Қаракемер және Алғабас елді мекендері орталықтандырылған ауыз сумен жабдықталып, аталған ауылдардың тұр­ғындары сапалы тіршілік көзімен қамты­лып отыр.
Бүгінде аудандағы 42 елді мекеннің 26 ауылы орталықтандырылған ауыз су­мен қамтамасыз етілген. Алдағы уақытта дәл осындай жұмыстар өз жалғасын тауып, аудан халқын 2025 жылға дейін 100% таза ауыз сумен қамтамыз ету жоспарланып отыр.

Жәнібек СҰЛТАН.

Поделиться ссылкой: