Қоғамдық қабылдау өткізді
262 Views
Өткен аптада аудан әкімі Ерболат Садырқұлов аудан тұрғындарын жеке сауалдарымен қабылдады.
Бірден айта кетейік, бұл жолы тұрғындар тарапынан көтерілген мәселелердің ауқымы өте кең болды. Тұрғындарының басым бөлігі жер телімі мен шаруа қожалығын рәсімдеу, дәрі-дәрмек алуға көмектесу және порталға кезекке тұру, жайылым, тұрғын үй кезегі сынды сауалдармен қайырылды. Сондай-ақ, аталмыш қоғамдық қабылдауда баспана мәселесі де кеңінен қаузалды.
Тұрғындар тілегін мұқият тыңдаған Ерболат Салқынбекұлы өзіне қойылған сауалдар мен өтініштердің барлығы заң аясында шешімін табатынын және қордаланған мәселелер тиісті сала басшыларына жолданып, әр сауал жеке бақылауда болатынын жеткізді.
Аудан әкімінің баспасөз қызметі.