Қант қызылшасын өсірушілер одағы құрылды

Аудан әкімі Ернар Есіркеповтің төрағалығымен қант қызылшасын өсіруді дамыту бойынша жергілікті шаруалармен маңызы жоғары кездесу өтті. Жиынға республикалық қант қызылшасын өсірушілер одағының төрағасы қатысып, ой-пікірлерімен бөлісті. Жалпы өткен жылы аудан бойын­ша 145 гектардан өнім алынса, ағымдағы жылы 550 гектар қант қызыл­шасын егу жоспарланып отыр.
Осыған сәйкес, аталмыш жиында қант қызылшасын өсіруші шаруаларға қолдау көрсету мақсатында мемлекет тарапынан көр­сетілетін қолдаулар, инвести­ция­лық салымдар мен субсидиялау бағ­дарламалары, техника алу, суармалы алқапты кеңейту мә­селелері түсіндіріліп, өзекті тақырыптар талқыланды.
Жиын соңында аудандық қант қызыл­шасын өсірушілер одағы құрылып, оның төрағасы ретінде «Аққайнар» шаруа қожалығының егіс бригадирі Талап Иманов бекітілді.

Аудан әкімінің баспасөз қызметі.

Поделиться ссылкой: