Поэзия түні өтті
286 Views
Өткен бейсенбіде аудандық орталық кітапхананың ұйымдастыруымен ақиық ақын, қазақ поэзиясының Хантәңірі – Мұқағали Мақатаевтың шығармашылығына арналған «Мұқағали өлеңдері» атты поэзия түні өтті.
Поэзия түнінде ақынның өмір жолы мен шығармашылығына арналған бейнеролик көрсетіліп, «Мұқағали – мәңгілік ғұмыр» атты кітап көрмесіне шолу жасалды.
Жыр сүйер қауымның Мұқағали поэзиясына деген құштарлығы толастаған емес. Мұқағали әлеміне тереңірек бойлап, оның сыршыл поэзиясынан кітапхананың тұрақты оқырмандары мен қызметкерлері жыр шумақтарын мәнерлеп оқыды.
Мұқағали Мақатаевтың маржан поэзиясы – мәңгілік. Ақын көкірегінен буырқана ағылған жыр жанартаулары өлең құмар халыққа таусылмайтын сый, мол қазына болып қала бермек.
Әлия Искакова,
аудандық кітапхананың кітапханашысы.