ОТБАСЫ – ұлттың ұясы, тәрбиенің бастауы

«Менің отбасым – менің мақтанышым» облыстық
байқауында Сәрсехановтар отбасы жүлделі III орын
иеленді. Отбасы – адамға өмірлік бағыт-бағдар беретін,
ұлттық құндылықтарды бойына сіңіріп, ұрпақтан-ұрпаққа
жеткізетін қасиетті шаңырақ. Береке мен бірлік, сыйластық
пен мейірім орныққан отбасы – қоғамның да берік негізі.
Осындай құндылықтарды дәріптеуді мақсат еткен «Менің
отбасым – менің мақтанышым» атты облыстық отбасылық
байқау Д.Қонаев атындағы жасөспірімдер мен балалар
кітапханасының ұйымдастыруымен өтті.

Отбасылық құндылықтарды кеңінен насихаттау, ұлттық салтдәстүрлерді дәріптеу, ата-ана мен бала арасындағы сабақтастықты
нығайту және өскелең ұрпақ тәрбиесіне отбасының ықпалын
арттыруды көздеген байқауға облыстың әр өңірінен өнегелі
отбасылар қатысты.
Т.Рысқұлов ауданының намысын қорғаған Сәрсехановтар
отбасы да байқауға белсене қатысып, өздерінің ұйымшылдығы мен
шығармашылық қабілеттерін таныта білді. Отбасы мүшелері ұлттық
құндылықтарға деген құрметін көрсетіп, салт-дәстүр мен отбасылық
тәрбиені дәріптеуге ерекше мән берді.
Байқау барысында Сәрсехановтар отбасының әрбір өнер
көрсетуінен өзара сыйластық пен қолдау, үлкенге құрмет, кішіге ізет
секілді қазақы тәрбиенің көрінісі байқалды. Олар үшін бұл байқау
жүлде үшін ғана емес, отбасы бірлігін көпшілікке танытып, ортақ
құндылықтарды насихаттайтын маңызды шара болды.
«Менің отбасым – менің мақтанышым» деген атаудың өзінде
үлкен мән жатыр. Себебі отбасының басты байлығы – дүние-мүлік
емес, оның берекесі, тәрбиесі, адамгершілігі мен өзара сыйластығы.
Осындай қасиеттерді бойына сіңірген отбасы ғана кейінгі ұрпаққа
өнеге бола алады.
Байқау қорытындысы бойынша Т.Рысқұлов ауданының
атынан қатысқан Сәрсехановтар отбасы жүлделі III орынға ие
болды. Бұл – отбасы мүшелерінің бірлескен еңбегі мен ізденісінің,
шығармашылық қабілетінің және ұлттық құндылықтарға деген
құрметінің жемісі.
Жүлдегер отбасыларға арнайы дипломдар мен бағалы сыйлықтар
табысталып, олардың белсенділігі мен шығармашылық ізденістері
жоғары бағаланды.
Сәрсехановтар отбасының бұл жетістігі – бір шаңырақтың
ғана қуанышы емес, отбасылық ынтымақ пен ұлттық тәрбиенің,
салт-дәстүрге деген құрметтің жарқын көрінісі. Осындай өнегелі
отбасылардың өмір жолы жас ұрпаққа үлгі болып, отбасы
құндылықтарының маңызын арттыра түсетіні сөзсіз.
ОТБАСЫ –
ұлттың ұясы, тәрбиенің бастауы
Қазақта «Отан – отбасынан басталады» деген
қанатты сөз бар. Шын мәнінде елге деген сүйіспеншілік пен ұлттық тәрбие ең алдымен отбасы ошағында
қалыптасады. Ал әр шаңырақтың берекесі мен бірлігі
– тұтас елдің берік болашағының негізі.
Сәрсехановтар отбасын жүлделі III орындарымен
құттықтаймыз! Шаңырақтарыңыздан шаттық кетпей,
береке-бірліктеріңіз бекем болсын! Ұлттық құндылықтарды ұлықтап, кейінгі ұрпаққа өнеге болар игі
дәстүрлеріңіз жалғаса берсін!
Сандуғаш ЕГЕМБЕРДИЕВА,
Құлан ауылдық балалар кітапханасының
кітапханашысы.

Поделиться ссылкой: