Корпорация қызметкерлері арасында спартакиада өтті
151 Views
2025 жылдың 23 тамызы Ақмола облысы, Щучинск қаласында «Азаматтарға арналған үкімет» мемлекеттік корпорациясының қызметкерлері арасында ХҚКО-лардың 20 жылдығына арналған республикалық спартакиада өтті. Бұл жарыс облыстар мен республикалық маңызы бар қалаларда өткен аймақтық сайыстардың қорытынды кезеңі ретінде ұйымдастырылды.
Финалдық кезеңге Астана, Алматы, Шымкент қалаларынан және Абай, Ақмола, Жетісу, Солтүстік Қазақстан, Түркістан, Ақтөбе облыстарынан командалар қатысып, жоғары дайындық деңгейін, ұйымшылдық пен жеңіске деген ұмтылысты көрсетті.
Спартакиаданың бағдарламасына шағын-футбол, волейбол, үстел теннисі, шахмат және арқан тарту жарыстары кірді. Іс-шараның басты мақсаты – корпоративтік мәдениетті нығайту, салауатты өмір салтын насихаттау және Мемлекеттік корпорацияның филиалдары мен бөлімшелері арасындағы өзара байланыс пен командалық рухты арттыру.
Финалдық жарыстардың қорытындысы бойынша І орынды Шымкент қаласының командасы, ІІ орынды Түркістан облысы, ал ІІІ орынды – Алматы қаласының командасы иеленді.
Маңыздысы республикалық спартакиада Халыққа қызмет көрсету орталықтарының құрылғанына 20 жыл толуымен сәйкес келіп, демеушілердің қолдауымен ұйымдастырылды. Бұл іс-шара «Азаматтарға арналған үкімет» мемлекеттік корпорациясы қызметкерлерінің ынтымақтастығын арттырып, корпоративтік құндылықтарын дамытуға ықпал етіп келеді.
«Азаматтарға арналған үкімет» мемлекеттік корпорациясы» КЕ АҚ Жамбыл облысы бойынша филиалы Халыққа қызмет көрсету бойынша
Тұрар Рысқұлов аудандық бөлімі.