Жасанды интеллект – жаһандық экономиканың жаңа қозғаушы күші
26 Views
Тоқаев: Жасанды интеллект – жаһандық экономиканың жаңа қозғаушы күші
Мемлекет басшысы Қасым-Жомарт Тоқаев Дүниежүзілік жасанды интеллект конференциясында сөйлеген сөзінде жасанды интеллекттің экономика, сауда және жаһандық өзара байланыстың болашағын айқындайтын, толыққанды инфрақұрылымы бар стратегиялық салаға айналып келе жатқанын айтты.
Президенттің мәліметінше, БҰҰ деректеріне сәйкес, жасанды интеллект инфрақұрылымы мен оған қатысты технологияларға салынатын инвестиция көлемі жыл сайын орта есеппен 47 пайызға артып келеді. Ал 2033 жылға қарай жаһандық жасанды интеллект нарығының көлемі шамамен 5 триллион долларға жетеді деп болжануда.