ЕҢ ҮЗДІК БАСТАУЫШ ПАРТИЯ ҰЙЫМДАРЫ АНЫҚТАЛДЫ

ЕҢ ҮЗДІК БАСТАУЫШ ПАРТИЯ ҰЙЫМДАРЫ АНЫҚТАЛДЫ

 Өткен аптада «Нұр Отан» партиясы қолға алған республикалық «Ең үздік бастауыш партия ұйымы – 2018» байқауының аудандық кезеңі  болып өтті. М.Өзбеков атындағы мәдениет үйінде ұйымдастырылған байқаудың басты мақсаты үздік бастауыш партия ұйымын анықтап, олардың жұмыс тәжірибесін басқа бастауыш партия ұйымдарына таныстыру, тәжірибе алмасу арқылы жұмыстарын жандандыру болып табылады. Биыл төртінші мәрте өткен байқау екі санат бойынша өрбіді. Байқаудың ашылу салтанатында партия аудандық филиалы төрағасының бірінші орынбасары, комиссия төрағасы Қ.Арыстанбеков пен «Нұр Отан» партиясы Жамбыл облыстық филиалы саяси жұмыс бөлімінің меңгерушісі, комиссия мүшесі А.Келімбетова сөз сөйлеп, байқаудың негізгі талаптарын баяндады. Жүзге дейін және жүзден жоғары партия мүшелері бар жиырма бес бастауыш партия ұйымдары «Нұр Отан» партиясының «Үздік бастауыш партия ұйымы» Ережесінің талаптарында айқындалған 7 критерий бойынша санаттарына сәйкес бақ сынап, тәжірибе алмасты. Нәтижесінде, бірінші санат жеңімпазы болып «Жарлысу», екінші санат үздігі деп «Сұлутөр» бастауыш партия ұйымы танылып, облыстық байқауға жолдама алды. Барлық байқауға қатысушыларға арнайы дипломдар мен алғыс хаттар беріліп, сыйлықтар табыс етілді. Байқау жеңімпаздарын марапаттау сәтінде «Нұр Отан» партиясы аудандық филиалы төрағасының бірінші орынбасары Қанат Арыстанбеков байқаудың жоғары

 деңгейде өтуіне атсалысып, демеушілік көрсеткен жеке кәсіпкер, аудандық мәслихат депутаты Cәтжан Мамырбаевқа және қатысқан барлық бастауыш партия ұйымдарына алғысын айтып, облыстық байқауда аудан намысын қорғайтын қос бастауыш партия ұйымдарына сәттілік тіледі.

Арай ӘНТАЕВА,

«Нұр Отан» партиясы аудандық

филиалының консультанты.

Поделиться ссылкой: