Мазасыз мамандықтың майталмандары

«Өрт нақ қызғанда, су тапқызбайды» дейді біздің қазақ. Бұндай сөзді қазекеңнен басқа кім айтсын! Рас қой. Биыл Қостанай облысында нендей жағдай болғанын мұқым қазақ әлі ұмыта қойған жоқ. Сол өрттің салдары «әне-міне дегенше өтейін деп тұрған» ұлт зиялысы Ахмет Байтұрсынұлының 150 жылдық мерейтойын өткізуге тұсау салды. Одан соң Астана қаласында болған жағдай да жұрттың есінде біраз уақытқа дейін көмескіленіп қалары анық.

Елордадағы көппәтерлі тұр­ғын үйлердің бірінен өрт шығып, салдарынанденесін 80 пайыз күйік шалған Асқар Забикулин есімді өрт сөндіруші қызметкер қаза тапты. Асқар Забикулин өмірден босқа өткен жоқ. Ол өрт болған үйден бірнеше адамды құтқарды. Оның ішінде 10 жасар бала да бар еді. Зардап шеккендер дін аман. Бірақ Асқардың өзі жоқ арамызда. Осыдан кейін барып, әуелгі сөз басында жазған, яғни «Өрт нақ қызғанда, су тапқызбайды» деген дана қазекеңнің сөзі өміршең екенін ұғасың. Біреулер «қойшы соларды, бітіріп жүрген түгі жоқ» деуі мүмкін. Түк бітірмесе, Асқар секілді жүрегінің түгі бар азаматтар тәуекелге бел буа ма? Өмірін қимас еді ғой. Сондықтан «тілде жазық жоқ» деп, бірден кесіп айту да жөн емес секілді. Біз жақында аудандық Төтенше жағдайлар бөлімінің жұмысымен танысқан едік. Көріп, біліп, елде болған оқиғаларды ой елегінен өткізіп, сол себепті де тақы­рыпты «Мазасыз мамандықтың май­талмандары» деп қойып отырмыз.
Аудандық Төтенше жағдайлар бөлімінің бастығы, азаматтық қорғау подполковнигі Нұрболат Кадырханов аталмыш бөлімнің 2022 жылдың 11 айында атқарған жұмыстары жөнінде айтып берді бізге.
– Облыстық Төтенше жағдайлар департаментінің жылдық жоспа­ры­на сәйкес, сонымен қатар бөлімнің жеке жұмыс жоспары негізін­де аудан аумағында өрттерді және басқа да төтенше жағдайларды бол­дырмау, материалдық шығынды азайту, халықты әртүрлі төтенше жағ­дайлардан қорғауға бағытталған жұмыстар тиісті деңгейде атқарылды. Аудан аумағында 2022 жылдың 11 ай ішінде 53 өрттен келген материалдық шығын 3 миллион 930 мың теңгені құрады. 2022-2023 жылғы жылыту маусымы кезінде ауданда өрттің жә­не табиғи газбен уланудың алдын алу мақсатында Төтенше жағдайлар бөлімінің қызметкерлері аудандық өрт сөндіру бөлімінің жеке құрамын тарта отырып, аудандық электр желі­лерін тарату және газ шаруашылық мекемесі, ерікті жастар, аудандық полиция бөлімі қызметкерлерімен бірлескен жұмыстардың нәтиже­сінде 12788 тұрғын үйлер араланып, барлығы 34531 адам қамтылды. Со­ны­мен қатар, аудан тұрғында­ры­на өрт қауіпсіздігі шараларын ескерту жұмыстары нәтижесінде тұрғын үйлердің иелеріне 11 000-нан аса жад­нама (Өрт қауіпсіздігінің ережеле­рі тақырыбында) қағаздары таратылды, – деп жауап қайырды біз қойған сауалға.
Бөлім басшысының сөзінен аңғарғанымыз, қаншама ауқымды жұмыстар жасалып жатса да, нәтиже көңіл көншітпей тұр екен. Жалпы жыл басынан бері 53 факті тіркеліпті. Оның ішінде жылыту маусымында автокөліктегі өрттер – 9, жеке тұрғын үйлердегі өрттер – 13, жеке тұрғын үйлердің шөпханаларындағы өрттер – 23, басқа да әртүрлі өрттер – 8. Көңілге медеу болар бір факті бар. Ол – адам шығынының жоқтығы.
Аудан аумағындағы автожол бойларына жүргізілген өртке қарсы жолақтарды аралау жұмыстары жүр­гізілді. Мемлекеттік орман қо­ры­­ның аумағына кіретін жерлерде және автомобиль жолдары бойында 20 аншлаг және 4 билборд орнатылды. Ауыл шаруашылығы ұйымдарының 112 жұмысшыларымен 10 жиын өткізілді және егін жұмыстарымен ай­налысатын 40 адамның қатысуымен 8 өртке қарсы нұсқаулық жүргізілді. Табиғи өрттердің алдын алу мақса­тын­да аудандық Төтенше жағдайлар бөлімі жергілікті атқарушы органмен, поли­ция қызметкерлерімен бірге жеке құрамның күшімен жалпы саны 5 адамнан тұратын 1 бірлескен мо­бильді топ құрылды. Сол мобильді топпен далалық алқаптарда өрт қауіпсіздігін сақтау және бақыланбайтын ауыл шаруашылық алқаптарды өртеудің алдын алу жөнінде 128 рейд жүргі­зілді. Бөлім қызметкерлері жергілікті әкімдік қызметкерлерімен бірлесіп жұмыс атқарып отырады. Аудан әкімдігі қызметкерлері тарапынан кезекші жауапты қызметкер күнделікті аудан аумағындағы төтенше жағ­дай­лар және оқиғалардың жағдайы туралы ақпараттардың жиналуын ұйымдас­тырып, жұмыстарын жүргі­зіп, облыстық Төтенше жағдайлар департаментінің кезекшілігіне баян­дап отырады» деді аудандық Төтен­ше жағдайлар бөлімінің бастығы, азаматтық қорғау подполковнигі Нұрболат Кадырханов.

Марат Диханбай.

Поделиться ссылкой: