Кітап – ақылына ақы сұрамайтын алтын қазына

454 Views

Тақырыпқа арқау болған түркі халқының ұлы ақыны Әлішер Науаидің дәл осы сөзі кітаптың жаны жоқ, дегенмен шынайы адал дос дегенге сайып келеді.
Мемлекет басшысы Қасым-Жомарт Тоқаев Ұлттық қоғамдық се­нім кеңесінің төртінші отырысында «2021-2025 жылдар аралығында «Оқуға құштар мектеп» жобасын іске асыру­ды жүктеген еді. Бүгінде Президент тап­сырмасын орындау мақсатында білім ошақтарында көптеген шаралар өткізілуде. Жуырда соның бірі Құлан мектеп-гимназиясында өткізілді. Мектеп кітап­ханашысы Босмойынова Құралай­дың ұйымдастыруымен «Оқуға құштар мектеп» жобасы аясын­да 7-9 сыныптар арасында «Менің кітабым – менің әлемім» деп аталатын тәлімі мен тәрбиесі мол сайыс өтті. Іс-шараға аудандық ардагерлер кеңесі­нің төрағасы Бижанов Қожайхан, жеке кәсіпкер Жамашова Гүлнар, жеке кәсіпкер Қаршағанова Берікгүл төрелік етті.
Сайыстың алға қойған мақсаты – балалар мен жас буынның оқу құзі­реттілігін дамыту. Сайыс барысында Мұқағали Мақатаевтың «Аққулар ұйықтағанда» шығармасы, Бауыржан Момышұлының «Ұшқан ұясы», Мұхтар Әуезовтің «Көксерегі», Сайын Мұратбековтың «Жабайы алмасы», Төлен Әбдіктің «Оң қолы» және Әзілхан Нұршайықовтың «Махаббат, қызық мол жылдары» сахналанды. Мектептің акт залына жиналған көрермендер дән риза болып, қошеметін аяған жоқ.

Балжан Жеңіс.

Поделиться ссылкой: