Жол ережесін сақтайық!

Т.Рысқұлов аудан аумағында маңызы бар автокөлік жолдардың ұзындығы жалпы – 673,43 шақырымды құрайды. Оның ішінде 96 шақырым республикалық маңызы бар жолдар, облыстық маңызы бар жолдар – 100 шақырым, аудандық маңызы бар – 100,03 шақырым, елді мекен мен көше жолдары – 377,4 шақырымды құрайды.
Бүгінгі күнде автокөліксіз зама­науи өмірді елестету мүмкін емес. Шет елдерден әкелінетін қолданыста бол­ған және елімізде шығарылатын авто­көліктер саны күн сайын артып келеді. Бірақ өкі­ніш­ке орай, сәйкесінше жол көлік оқиғасының саны да артып келеді. Жүргізушілердің кінә­сінен болатын жол көлік оқиғалары бар­лық апаттардың көп бөлігін құрайды. Оқи­ға саны да артып келеді. Көлік жүргізушілердің жол ережелерін толық сақтамауынан, қауіпсіздік талаптарын дұрыс сақтамайтындықтан жолдарда мерт болғандардың және жараланғандардың саны ұлғаюда.
Жалпы, жол көлік оқиғаларының саны – 104 (2021 ж. 105) – 1,0% төмендеген, қаза болғандар – 26 (2021 ж.17) +52,9% өскен, жарақат алғандар – 199 (2021 ж. 193) +3,1% өскен.
Жолдардың маңыздығы бойынша: Республикалық маңыздағы автожолдарда жол көлік оқиғаларының саны – 57 (2021 ж. 51) +11,8 % өскен, қаза болғандар – 21 (2021 ж. 13) +61,5 % өскен, жарақат алғандар – 123 (2021 ж. 115) +7,0 % өскен.
Жергілікті маңыздағы автожолдарда жол көлік оқиғаларының саны – 14 (2021 ж. 13) +7,7 % өскен, қаза болғандар – 3 (2021 ж. 1) +200,0 % өскен, жарақат алғандар 25 (2021 ж. 22) +13,6 % өскен.
Елді мекендердегі көше-жол желісінде жол көлік оқиғаларының саны – 33 (2021 ж. 40) – 25,0% төмендеген, қаза болғандар – 2 (2021 ж.3) – 33,3 % төмендеген, жарақат алғандар – 51 (2021 ж. 56) – 8,9 % төмендеген.
Жол көлік оқиғаларына талдау жасау сәт сайын жүргізіліп келеді. ЖКО түріне келетін болсақ, жаяу жүргіншіні қағып кетуі – 23, аударылғандар – 28, тұрған көлікке соқтығысу – 2, бүйірден соқтығысу – 7, бір бағытта соқтығысу – 22, басқа себептермен – 4, соқтығысу – 6, басқа жерге соқтығысу – 10, мал жануарына соқтығысу – 2, жылдамдықты асыру – 64, маневр жасау – 11, ЖҚЕ өрескел бұзған – 12, қашықтықты сақтамау – 13, алкогольдік ішімдігін ішіп басқару – 4.
Әрине, бұл жұмыстар осымен тоқтал­майды. Алайда күнделікті сіз жаяу жүргінші, автокөлік, велосипед немесе басқа да көлік құралдарының жүргізушісі ретінде жол қозғалысының қатысушысы болып табыласыз. Сол себепті жол қозғалысы ережелерін білу – аса маңызды.

Поделиться ссылкой: