Мәдениет қызметкерлері марапатталды

Өткен жұмада мәдениет және өнер қызметкерлерінің кәсіби мерекесіне орай аудандық мәдениет үйінде іс-шара өтті. Оған аудан әкімінің орынбасары Әлібек Терлікбаев қатысып, сөз сөйледі. Әлібек Мамытжанұлы өз сөзінде төл өнерді дамытып, ұрпақтан-ұрпаққа жалғасып келе жатқан халықтық өнерді дәріптеп жүрген өнерпаздардың еңбегі орасан екенін айтты.
Содан соң бірқатар өнерпаздарға марапат берілді. Атап айтсақ, М.Өзбеков атындағы аудандық мәдениет үйінің директоры Нұрдос Базарқұлов «Еңбек даңқы», мәдениет үйі директорының орынбасары Жадыра Жұмағұлова «Еңбек үздігі», әнші Нұрлан Әмірбетов, Көгершін ауылдық клубының мәдени іс-шара ұйымдастырушысы Данагүл Бодауова, Д.Қонаев ауылдық мәдениет үйінің меңгерушісі Әлижан Амреев, Тереңөзек ауылдық клубының меңгерушісі Кемел Дабылбеков «Қазақ мәдениетінің қайраткері» медальдарымен марапатталды. Сондай-ақ, Эльмира Асылбекова аудан әкімінің Құрмет грамотасымен марапатталса, Несіпкүл Айтқұловаға аудан әкімінің алғыс хаты табыс етілді.

М.Жолдасбекұлы.

Поделиться ссылкой: