Жарайсың, АЙАРУ!

Біз бұған дейін газетімізде шахматтан Қырғызстанның Ыстықкөл қаласында өткен Азия чемпионатында жерлесіміз Айару Каипованың жүлделі
І орын иеленгені туралы ақпарат берген едік.

Қуаныштың үстіне қуаныш қосылды, алдияр оқырман! Айару Ниязбекқызы шахматтың рапид және классикалық түрінен өзге қатысушылардан дара болып, чемпион атанды. Кеше Ыстықкөлде Азия чемпионатының жүлдегерлерін марапаттау салтанаты өтті. Айару­дың әкесі Ниязбек Каипов мара­паттау рәсімінен бізге видео жібер­ді. Осылайша айыр қалпақты қыр­ғыз ағайындардың елінде Қазақ елінің Әнұранын шырқатқан жас шахмат­шының туа бітті болмысына қайран қалдық. Айарудың Әнұранымызды шырқаған сәтін көрсеңіз, шіркін!..
Азия чемпионаты болғандықтан, бұл жарысқа қатысушылардың саны өте көп болды. Жерлесіміз алты жасқа дейінгі категорияда бақ сынап, өзінің шеберлігін паш етті.
Уәде еткеніміздей, Айару мен оның әкесі Ниязбек Каипов елге оралған соң біз міндетті түрде сұхбат алатын боламыз. Әзірше, осындай ақжолтай хабарды өздеріңізбен бөлісуді жөн көрдік.
М.Жолдасбекұлы.

Поделиться ссылкой: