Тұрар Рысқұлов ауданында мәдениет күні өтеді

Құрметті аудан тұрғындары мен қонақтары! Сіздерді 20 қазан күні киелі Құлан өңірінде өткізілетін «Мәдениет – асыл қазынам!» атты Тұрар Рысқұлов ауданының мәдениет күнін тамашалауға шақырамыз.
Ауданымыздың 85 жылдығы аясында ұйымдастырылатын мәдени іс-шаралар бағдарламасы төмендегідей:
Сағат 9:00-де аудан орталығында орналасқан тұғыры биік таутұлға, қа­зақ халқы­ның біртуар перзенті Тұрар Рысқұловтың ескерткішіне гүл шоғын қою рәсімі;
Сағат 10:00-де Абсенттей әйгілі сәйгүлікпен аты төрткүл дүниеге тараған Көгершін ауылындағы жаңадан салынған 90 орындық ауылдық клубтың ашылу салтанаты өтеді.
Сондай-ақ, орталық стадионда ауылшаруашылығы өнімдерінің жәрмеңкесі, спорттық ойындар жарысы, салт-дәстүр бейнеленген этно ауыл көрінісі мен әртүрлі тақырыптық көрмелер, «Батырлар жерін қорғаған, Абыздарын халық қолдаған» композициялық театрландырылған көрініс және республикаға танымал қазақстандық эстрада жұлдызы, жерлесіміз, «Дарын» мемлекеттік жастар сыйлығының иегері, Қазақстанның еңбек сіңірген қайраткері, әнші Досымжан Таңатаров, жастар арасында танымалдылыққа ие болған «Астана» тобы, әнші әрі сазгер Руслан Мамытов сіздер үшін ән салады. Атақты эстрада әншілерімен қатар аудан өнерпаздарының қатысуымен өтетін «Мәдениет – асыл қазынам!» атты гала концертке шақырамыз.

Келіңіздер! КӨРІҢІЗДЕР!

Поделиться ссылкой: