Абайда тұрғындар өтініштерінің 99%-ы орындалған

198 Views

Апта басында аудан әкімінің мін­детін уақытша атқарушы Ерғазы Еспенов бекітілген кес­­теге сәйкес, Абай ауылдық округіне барып, тұрғындармен жүздесті. Президенттің №826 Жарлығына сәйкес кездесу өткізген Ерғазы Жұмабекұлы ең алдымен ауданда атқарылып жатқан жұмыстарды тізбектеп берді.
– Ауданда атқарылып жат­қан жұмыс көп. Мәселен, инвес­ти­циялық жобалар жайында ай­тар болсақ, инвесторлар Терең­өзекте кварц өндіруді қолға ал­мақшы. Бұл – бір жағынан аудан экономикасының өсуіне оң әсер етсе, екінші жағынан жер­­гілікті жұртты жұмыспен қам­­туға өз септігін тигізбек. Бұл – бір. Екіншіден, Мал­ды­байда үлкен кірпіш зауыты са­лын­бақшы. Сондай-ақ, кір­­піш зауыты Луговойда ашылып, өз жұмысын бастады. Алдағы уақытта бұл кәсіпорын өрнек­тастарды өндіруді көздеп отыр. Инвест жобалар мұнымен то­лас­тамайды. Ақбұлақта да ми­нералды су өндірілмекші. Ал енді Абай ауылдық округіне ке­лер болсақ, биыл Сіздерге «Ауыл аманаты» жобасы кел­ді. Онымен қоса, «Қарақат» каналы да іске қосылмақшы. Өйткені, баянды бастамамыз республикадан қолдау тауып отыр. Ауылдағы «Жастар» мен «Самал» көшелерінің жолына деп қаржы бөлдік. Алдағы уа­қытта мәдениет үйінің де құры­лысы жоспарда тұр, – деп аудан және ауыл аумағында атқарылып жатқан жұмыстарға тоқталды.
Жиында ауылдық округ әкімі Мұратбек Арыстанбеков те сөз сөйледі. Ауыл әкімі жыл басынан бері тұрғындар тілегі мен өтініштері 99 %-ға орындалғанын сөз етті.
Дегенмен, ауыл тұрғындары жаяу жүргіншілер жолын салу, дене шынықтыру және сауық­тыру кешенінің құрылысын тездетіп бастау, ағын су жүйесін реттеу сынды бағытта сауалдар жол­дады. Көтерілген сұрақтарға аудан әкімінің міндетін уақытша атқарушы Ерғазы Жұмабекұлы толыққанды жауап беріп, мәсе­лелердің шешілу жолын, тәртібін тиянақты түрде түсіндіріп берді.

Жәнібек СҰЛТАН.

Поделиться ссылкой: