Мэлстің музасы
220 Views
Жақында Шоқан Уәлиханов атындағы облыстық ғылыми әмбебап кітапханасының ұйымдастыруымен «Мэлстің музасы» деген тақырыпта әдеби-сазды кеш өтті. Шара Мэлс Өзбековтың 85 жылдығына арналып, оған зиялы қауым өкілдерімен композитордың жерлестері қатысты. Кешті композитор Дүйсенәлі Бықыбаев жүргізіп, алдымен 2020 жылы жарық көрген «Мэлстің музасы» кітабының тұсаукесері жасалды. Ол рәсім — облыстық ардагерлер Кеңесінің төрағасы Еркінбек Солтыбаев, ақын Шырын Мамасерікова мен «Жаңару» республикалық қоғамдық бірлестігі облыстық филиалының директоры Қасымхан Төлендиевке ұсынылды.
Кеш барысында көпшілік жүректі жылытар естеліктер айтып, облыстық филармонияның әншілері Мэлс ағаның әндерін орындады. Сондай-ақ, әнші Досымжан Таңатаров пен Мәдениет қайраткері Гүлнұр Өмірбаева бейнеқұттықтау жолдады.
Шара соңында М.Өзбековтың жерлестері Еркінбек Солтыбаевтың, Т.Рысқұлов ауданында әкім болып тұрғанында М. Өзбековтің есімін ел есінде ұзақ сақталуына көп көмек көрсеткен Қасымхан Төлендиевтің, «Мэлстің музасы» кітабын құрастырушы осы жолдың авторының иығына шапан жауып, құрмет көрсетті. Сондай-ақ, Дүйсенәлі Бықыбаев дастархан жайып, құран оқытып, қонақтарға алғысын айтты.
Ерман Әбдиев.