LATYN ÁLIPBIINDE DIKTANT JAZYLDY

615 Views

 LATYN ÁLIPBIINDE DIKTANT JAZYLDY

Memleket basshysynyń «Bolashaqqa baǵdar:rýhanı jańǵyrý» atty maqalasynda latyn álipbıine qatysty birqatar jumystar josparǵa qoıylǵan bolatyn. Elbasy óz sózinde «Men 2012 jylǵy jeltoqsan aıynda jarııa etken «Qazaqstan-2050» Strategııasynda «2025 jyldan bastap latyn álipbıine kóshýge kirisýimiz kerekti­gin» málimdedim. Bul – sol kezden barlyq salalarda biz latyn qarpine kóshýdi bastaımyz degen sóz. Iaǵnı, 2025 jylǵa qaraı is qaǵazdardy, merzimdi baspasózdi, oqýlyqtardy, bárin de latyn álipbıimen basyp shyǵara bastaýǵa tıispiz. Ol kezeń de taıap qaldy, sondyqtan biz ýaqyt uttyrmaı, bul jumysty osy bastan qolǵa alýymyz kerek. Biz osynaý aýqymdy jumysty bastaýǵa qajetti daıyndyq jumystaryna qazirden kirisemiz. Úkimet qazaq tilin latyn álipbıine kóshirýdiń naqty kestesin jasaýy kerek»- degen bolatyn.

 2018 jyldyń 14 qarashasy qazaq jurty úshin tarıhı sát bolyp este qalmaq. Sebebi, bul kúni elimizde aýqymdy ári mańyzdy is-sharalardyń biri uıymdastyryldy. Oǵan respýblıka boıynsha 2 mıllıonǵa jýyq adam qatysty. Endeshe, atalmysh sharanyń jaı-japsaryna tolyǵymen toqtalsaq.

Qazaqstan Respýblıkasy Prezıdentiniń 2018 jylǵy 19 aqpandaǵy № 637 Jarlyǵy jáne Qazaqstan Respýblıkasy Premer-Mınıstriniń 2018 jylǵy 13 naýryzdaǵy № 27 ókimi­men «Qazaq tili álipbıin latyn grafıkasyna 2025 jylǵa deıin kezeń-kezeńimen kóshirý jónin­degi is-sharalar jospary» bekitil­gen edi. Bul josparda elimizdiń latyn álipbıine kóshýdiń naqty qadamdary aıqyn kórsetilgen. Sol josparǵa sáıkes sársenbi kúni qazaqstandyqtar latyn álipbıinde alǵash ret dıktant jazdy. Akcııany uıymdastyrýdaǵy basty maqsat – jańa qazaq álipbıin nasıhattaý jáne ony praktıkalyq turǵyda halyqqa meńgertý. Sonymen qatar, til saıasatyn júzege asyrý jáne halyqtyń latyn álipbıine degen qyzyǵýshylyǵyn arttyrý basty nazarǵa qoıylǵan bolatyn.

Mańyzdylyǵy joǵary sharaǵa aýdan turǵyndary da qalys qalmaı, bir kisideı atsalysty. Latyn qarpinde hat tanytý úshin qolǵa alynǵan sharaǵa aýdan boıynsha jasy 15-ten asqan 10000-ǵa jýyq adam qatysty. Olardyń qatarynda oqýshy­lar, stýdentter, ustazdar, iri kásiporyndardyń jumysshylary, ishki ister organdary men mem­lekettik qyzmetkerler boldy. Dıktant jazýdyń aldynda 15 mınýt buryn tyńdaýshylarǵa latyn negizdi qazaq álipbıi ta­nystyryldy. Ásirese, tól dyby­star men orys tilindegi ıa,ıý,, syndy áripterge baılanysty kezdesetin qıyndyqtar jaıynda keńinen túsindirildi. Odan bólek qatysýshylarǵa kómek retinde álipbıdiń jańa nusqasy men arnaıy jazý paraqtary taratylyp, dıktanttyń oqylý tártibi de aldyn ala tanystyryldy.

Dıktant saǵat 11.00 bastal­yp, mátin aýdıoqurylǵy ar­qyly «Shalqar» jáne «Qazaq» radıolarynyń tikeleı efırinde oqyldy. Mátinniń taqyryby «Ruhani jan`g`yru» dep ata­lady. Onda Elbasy maqalasynyń basty erekshelikteri jaıynda baıandaldy. Bárin aıt ta, birin aıt! Bas-aıaǵy jarty saǵattyń ishinde óte shyqqan akcııa joǵary deńgeıde uıymdastyryldy deýge tolyq negiz bar.

Bul bastama – elimizdiń alǵa qoıǵan aıqyn maqsattaryna degen alǵashqy qadamy. Osy sátke deıin latyn álipbıi jaıynda ár alýan pikirler de aıtylǵan bo­latyn. Al osy sársenbide ótkizil­gen shara talaıdyń oıyn ózgertke­nine senimdimiz. Endigi kezekte bir tutas el bolyp, Elbasymyzdyń mejelegen merzimine deıin josparlanǵan jumystyń bárin ju­myla oryndaýymyz qajet. Sonda ǵana naqty kórsetkishterge qol jetkizetin bolamyz.

Jánibek BAZYLBEKOV.

 

Поделиться ссылкой: