Жемқорлық – індет, жою – міндет

77 Views

Бүгінде сыбайлас жемқорлық мәсе­лесі бүкіл халықтың басты проблемасына ай­налды. Бір қуантарлығы, егер ста­тис­­тикаға жүгінсек, алдыңғы жыл­дармен салыстырғанда, Қазақстан жем­қорлықпен күрес жөнінен 92-ші орынға ие болды. Бұл дегеніміз, күрестің арқасында аталмыш проблеманың азайғандығы.
Осы тақырып жөнінде өткен дүйсенбіде келелі кездесу өтті. Кездесуге ілгерілікте аудан тізгінін ұстаған білікті де тәжірибелі азамат, бүгінгі таңда қоғамдық істерге белсене араласып, жастармен тікелей жұмыс жасап жүрген «Жаңару» Сыбайлас жемқорлыққа қарсы жалпыұлттық қозғалыс Республикалық қоғамдық бірлестігінің облыстық филиалының директоры Қасымхан Төлендиев арнайы келіп қатысты. Сондай-ақ, студенттермен өткен кездесуде аудандық мәслихаттың депутаты Мұратжан Мейманханов, Құлан агротехникалық жоғары колледжінің директоры Олжас Мұсақұлов, аудандық «Жастар ресурстық орталығы» КММ-нің директоры Ерболат Жәдік те қатысып, сыбайлас жемқорлық мәселесі төңірегінде өз ойларын ортаға салды.
Кездесуге арнайы келген Қасымхан Төлендиев әлемді жаулаған бұл дертпен жұмыла күресіп, зұлымдықты әрбір нақты жағдайда жеңуге болатынын, адам кез келген жағдайда өзінің қадір-қасиетін сақтап, сыбайлас әрекеттердің қай салада болмасын орын алмауына, онымен тұтастай ұлт болып күресудің қамқы әрекетін студенттерге айтып, түсіндірді.
Түйін: мақаланың басын жем­қорлық турасындағы статистикалық көрсеткіштермен бастадық. Мем­ле­кет басшысы Қасым-Жомарт Тоқаев та бұл мәселеге қатысты ойла­рын ашық айтып жүр. Сыбайлас жем­қорлықты болдырмау әрбір адамның өзіне байланысты. Қазір «көке-жәке» деген ұстаныммен өмір сүретін заман емес. Қазақы мақалға салсақ, түбінде «Қара­таудай қараны, Алатаудай ақ же­ңеді». Біз соған сенеміз. «Әділетті Қазақстан» дегеніміз осы емес пе?..

Гүлнұр Аманжол.

Поделиться ссылкой: