Алимент туралы дау медиация тәртiбiмен реттелді

Аудандық сотта талап қоюшы С. жауапкер Е. ортақ ұлы А. үш жасқа толғанша алимент өндіру туралы талап арызымен қозғалған азаматтық ісі қаралды. Талап қоюшы С. талап арызында жауапкер өз бетінше материалдық көмек көрсетпегендіктен өзінің пайдасына бала күтімімен отыруына байланысты, баласы 3 жасқа толғанға дейін алимент өндіруді соттан сұраған.
Істі сотта қарау барысында тату­лас­тырушы-судьямен және бидің қаты­суымен татуластыру рәсімдерінің артық­шылықтары мен салдарын түсіндіру нәтижесінде, тараптар медиативтік келі­сімге қол жеткізді.
Сотпен медиативтік келісім бекі­тіліп, оның шарттары бойынша жауап­кер Е. талап қоюшы С. пайдасына 2024 жылдың 7 наурызынан бастап, 20 000 теңге мөл­шерінде ұлы А. үш жасқа толғанша али­мент төлеуге міндеттенді. Өз кезе­гінде С. қойған талап-арызынан бас тар­тып, соттан аталған істің өндірісін қысқар­туды сұрады.
Аталған дауды реттеу туралы келiсiм сот ұйғарымымен бекітіліп, азаматтық іс өндірістен тоқтатылды.

«Құлан таңы» ақпарат.

Поделиться ссылкой: