Шайқалмаған шаңырақ

Қазақстанда 1999 жылғы 19 ақпан­да, яғни тура 25 жыл бұрын әйелдерді зорлық-зомбылықтан қорғау жөніндегі жеке қызмет құрылды. Бөліністің мақсаты – әйелдердің консти­туциялық құқықтарын, бос­тандықтары мен заңды мүдделерін заңсыз қол сұғушылықтардан қор­ғауды қамтамасыз ету, әйелдерге қатысты зорлық-зомбылықтың ал­дын алу және жолын кесу. Бөлініс полиция мен үкіметтік емес сектор, мемлекеттік органдар және әйелдер істері және отбасылық-демографиялық саясат жөніндегі Ұлттық комиссия арасындағы байланыс болып саналады. Бұл бөліністің инспекторлары полиция органдары қызметтерінің отбасылық-тұрмыстық қатынастар саласындағы құқық бұзушылықтардың, әйелдерге қатысты жасалған қылмыстардың алдын алу жөніндегі қызметін жалпы үйлестірумен айналысады. Тұрмыстық зорлық-зомбылық құрбандарын жеке қабылдауды жүзеге асырады, жәбірленушіні құқыққа қарсы қол сұғушылықтардан қорғау жөнінде қажетті шаралар қабылдайды.
Әйелдерді зорлық-зомбылықтан қорғау тақырыбымен Жамбыл облысы, Тараз қаласында Республикалық ма­ңызы бар «Шайқалмаған шаңы­рақ» атты ғылыми-тәжірибелік кон­фе­рен­циясында осы мәселе бойынша дөңгелек үстел болды.
Т.Рысқұлов аудандық полиция бөлімінде атқарылған жұмыстар бойынша қысқаша тоқтала кетейік. Әйелдерге қатысты қылмыс құрамы бар құқық бұзушылықтарды талдау және статистикалық мәліметтерді саралау барысында 2024 жылдың ақпан айында отбасы-тұрмыстық қатынастар аясында әйелдерге жа­салған қылмыстық деректер тір­келмеген. ( 2023ж.-0).
Сонымен қатар әйелдерге қатысты қол сұғушылықтар бойынша талдау барысында барлығы – 4 қылмыс (2023 ж.-4), (ҚК-тің 190 бабымен-2, ҚК-тің 122 бабымен-1, ҚК-тің 139-1 бабымен-1, ҚК-тің 190 бабымен-2, ҚК-тің 345 бабымен-1) тіркелген.
Биылғы жылдың ақпан айында Т.Рысқұлов АПБ-не тіркелген тұр­мыстық сипаттағы арыз-шағымдар және хабарламалардың жалпы саны – 39 (оның 27-сі әйелдерге қатысты).
Жалпы қойылған қорғау нұсқамасы – 31(2023ж — 25), қайталанып қойылғаны 2, жалпы қойылған ерекше талап – 12 (2023 ж. — 8), оның ішінде тұрмыстық қарым-қатынаста құқық бұзушылық жасаған – 9 (2023 ж — 6).
2023 жылдың 1 тамызынан бас­тап қолданыстағы тұрмыстық зор­лық-зомбылық профилактикасы ту­ралы заңына жасалған өзгерістер, яғни отбасылық тұрмыстық қарым-қатынаста АПБ-нің 102-арнасына түскен шақыртулар бойынша арыз беру сипатынан анықтау сипатына көшкендігі туралы және жаза қолдану шаралары әкімшілік қамаққа өзгертілгендігі туралы және ескерту тақырыптары бұқа­ралық ақпарат құралдарына кеңінен тара­тылып отырады.

Гүлжан Ақшабаева,
аудандық полиция бөлімі жергілікті полиция қызметі бөлімшесінің әйелдерді зорлық-зомбылықтан қорғау тобының аға инспекторы.

Поделиться ссылкой: