Мақал – сөздің азығы, жұмбақ – ойдың қазығы

Қазір интернет ресурс­тарының дамыған заманы. Ютубыңыз тағы бар. Осы ютубтан мультфильм көрмейтін бүлдіршін кемде-кем. Алайда, менің пікірімше, бүлдіршіндеріміз қазақы ұлттық құндылықтармен сусындап, тәрбиеленгені абзал.
Осы орайда «Балауса» бөбекжай-бақшасының тәрбиешілері бала тәрбиелеу ісінде ерен еңбек етуде. Жақында аталмыш бөбекжай-бақшасындағы «Қарлығаш» ере­сек тобының бүлдіршіндерінің қатысуымен аудандық деңгейде мазмұнды іс-шара ұйым­дастырылды. Шараның тақырыбы – «Мақал – сөздің азығы, жұмбақ – ойдың қазығы» деп аталды. Іс-шараның мақсаты – ата-бабамыздан қалған өсиет сөздер арқылы бүлдіршіндерді адамгершілік пен адалдыққа тәрбиелеу. Сөз өнері арқылы бүлдіршіндердің дүниетанымын кеңейтіп, ойын тапқырлыққа, нақты әрі дұрыс жеткізуге үйрету.
Жалпы, «Балауса» бөбекжай-бақшасында дәл осындай іс-шаралар жиі ұйымдастырылып тұрады. Оның бәрі баланың жан-жақты дамып, ой-өрісінің кемелденуіне себеп болады. Осы ұйымдастырылған іс-шара да бұл сөзімді қуаттай түседі.

Гаухар БайтУгелова,
«Балауса» бөбекжай-бақшасының «Қарлығаш» ересек тобының тәрбиешісі.

Поделиться ссылкой: