Директор сағаты өткізілді

91 Views

Өткен сәрсенбіде Әлихан Бөкейханов атындағы орта мектептің акт залында «Директор сағаты» аясында ұйымдастырылған мектептегі үздік оқушылардың ата-аналары және демеуші ата-аналармен кездесу өткізілді. Негізінен бұндай жиналыстар жиі ұйымдастырылып тұрады. Аталған шараға мектеп директоры Шолпан Еркетайқызы және «Алтын белгі», «Үздік аттестат» иегерлері, облыстық, республикалық, халықаралық байқаулар жеңімпаздарының ата-аналары қатысты. Шара барысында ата-аналарға түрлі сұрақтар қойылып, алуан түрлі тренингтер өткізілді. Жиында барлық ата-аналар белсенділік танытты. Қонақтарға арналып оқушылар өлең оқыды, ән шырқады. Жиналыс соңында ата-аналардың кешке байланысты пікірлерін білу мақсатында кері байланыс өткізілді. Ерекше күйге бөленген ата-аналар мектеп әкімшілігі мен ұстаздар қауымына өз ризашылықтарын білдірді.

Гүлнұр Аманжол.

Поделиться ссылкой: