Қарақыстақ ауылдық округі әкімі лауазымына үміткерлердің өмірбаяны мен сайлауалды бағдарламалары

Өмірбаяны
Жамбаев Біржан Ноянұлы 1985 жылдың 19 қазанында Тереңөзек ауылында дүниеге келген. Тараз қала­сындағы М.Х.Дулати атындағы Тараз мемлекеттік универ­ситетін «Тоқыма және жеңіл өнеркәсіп авто­маттары мен машиналарын құрас­тыру және оның сервисі» мамандығы бойынша бітірген. Білімі – жоғары.
Еңбек жолын 2011 жылы Халыққа қызмет көрсету орталығының Т.Рыс­құлов аудандық филиалында инспектор болып бастаған. 2011-2012 жылдары «Халыққа қызмет көрсету орталығының Т.Рысқұлов аудандық филиалында инспектор болып жұмыс жасаған. 2015-2019 жылдары Тереңөзек ауылдық округі әкімі аппаратының жетекші маманы, 2019 жылдан қазіргі уақытқа дейін Тереңөзек ауылдық округі әкімі аппаратының бас маманы болып абыроймен қызмет атқарып келеді.
Отбасылы. 2 ұл, 1 қызы бар.
Сайлауалды бағдарламасы
Мен, Жамбаев Біржан Ноянұлы Қарақыстақ ауылдық округі әкімінің лауазымына өткен жағдайда, осы кезеңге дейінгі алған білімімді және өмірден жинақтаған іс-тәжірибемді округ тұрғындарының әл-ауқатын, тұрмыс-тіршілігін жақсарту үшін және шаруашылық құрылымдарының экономикалық нығаюына жұмсаймын.
Менің сайлауалды бағдарламамның негізгі бағыттары:
– Ауылдық округтің инфра­құры­лымын одан әрі дамыту; (Жарықтан­дырылмаған көшелерге жарықшамдар орнату);
– Ауыл тұрғындарын жұмыспен қамтуға ықпал ету үшін мемлекеттік бағдарламалармен жұмыс жасап, шағын және орта бизнесті одан әрі дамытуға атсалысуды басшылыққа алу;
– Жыл сайын әр елді мекендердің тұрғындары ауыз сумен қамтылып, ауылішілік жолдар да жөнделіп жатыр. Көшелерге жарықшам да орнатылып жатыр. Біз осы бағыттан таймауымыз керек. Себебі, ауыл халқына бар жағдай жасалуы керек.
– Салауатты өмір салтын наси­хаттауда ауыл­дағы жастар саясатының тиімді моделі – ауылдық округтегі елді мекендер бойынша өркендетудің құралы мәдени демалыс орын­дарының халыққа қызмет көрсету жұмыстарын жандандыруды;
– Ауылдық округ жастарын пат­риот­тық рухта тәрбиелеуге, діни көзқарас­тарына дұрыс бағыт-бағдар беруге, теріс ағымдар мен нашақорлыққа салын­бауына және мектепте білім алу сапасына ерекше көңіл бөлу.
– Қоғамдық тәртіптің сақталуына және сыбай­лас жемқорлықпен күресуде қай салада болмасын жемқорлық әрекет­терге жол бермеу, ұрлыққа қарсы құқық қорғау органдарымен бірлесе жұмыс­ты күшейтуді;
– Ардагерлер мен қарттарға, аз қамтылған отбасы­ларға жағдай жасауды олардың арыз-шағымдары мен талап-тілектерін құзіретті орган­дармен әділ шешуді қатаң бақылауға алуды және дәрігерлік қызмет көрсету сапасын арттыруды;
– Қоғамдық кеңестің, ауыл ақсақалдарының ой-пікірлерімен санасып, тиянақты түрде аудан басшылығымен бірлесе шешім қабылдауын басшылыққа алатын боламын.
Құрметті сайлаушылар!
Таңдау өз еркіңізде!

Поделиться ссылкой: